រាជធានីភ្នំពេញ ៖ កាលពីវេលាម៉ោង ១និង២០នាទីយប់ ឈានចូលព្រឹក ថ្ងៃទី៤ ខែកុម្ភះ ឆ្នាំ២០១៧ ត្រង់ចំនុចខាងត្បូងស្ថានីយ៍ទូរទស្សន៍អាស៊ីអាគ្នេយ៍ ប្រមាណជា១០០មែត្រ ស្ថិតតាមបណ្ដោយផ្លូវណតប្រ៊ីត ស្ថិតក្នុងសង្កាត់ទឹកថ្លា ខណ្ឌសែនសុខ ភ្នំពេញ ដោយសារមាននារីរូបស្រស់ម្នាក់ ស្រវឹងស្រា បើករថយន្ត តាមផ្លូវតែម្នាក់ឯង មិនប្រយត្ន័បានរ៉េចង្កូត ជ្រុលទៅបុកបង្គោលខ្សែភ្លើង បណ្ដាលអោយខូចខាត រថយន្តបើកទៅមុខលែងរួច។
យោងតាមប្រភពពីកន្លែងកើតហេតុ បានអោយដឹងថា មុនពេលកើតហេតុ គេឃើញនារីស្រស់ឆើតឆាយម្នាក់ បើកបរថយន្តមួយគ្រឿង ម៉ាកកាមរីបាឡែន ពណ៌ស ពាក់ស្លាកលេខ ភ្នំពេញ 2Z-4415 ក្នុងទិសដៅពីជើងទៅត្បូង ទាំងស្ថានភាពស្រវឹងយ៉ាងខ្លាំង ហើយក្នុងល្បឿនលឿនថែមទៀតផង ក៏បានរ៉េចង្កូត ទៅខាងស្ដាំ ហើយបុកបង្គោលខ្សែភ្លើង បណ្ដាលអោយ រថយន្តខូចខាតផ្នែកចំហៀងខាងស្ដាំ និងដាច់កាឡេកង់ទៅមុខលែងរួច ម្ចាស់រថយន្តបង្កឈ្មោះ ដា លីន ភេទស្រី អាយុ២៩ឆ្នាំ មុខរបរមេផ្ទះ ស្នាក់នៅសង្កាត់បឹងសាឡាង ខណ្ឌទួលគោក។
ក្រោយពេលកើតហេតុ សមត្ថកិច្ចចរាចរណ៍ បានចុះមកធ្វើការវាស់វែង និងអូសរថយន្តខាងលើ យកទៅរក្សាទុកនៅ អធិការដ្ឋានខណ្ឌសែនសុខ រងចាំការដោះស្រាយនៅពេលក្រោយ ៕
ផ្តល់សិទ្ធិដោយ៖VD7News.com
