ក្រោយត្រូវបានចាប់ខ្លួន បុរសជនជាតិ អាមេរិក ម្នាក់ឈ្មោះ Tommy Schaefer បាននិយាយប្រាប់តុលាការ ឥណ្ឌូណេស៊ី ថា ខ្លួនជាអ្នកបានសម្លាប់ម្ដាយក្មេក ហើយតុលាការ ឥណ្ឌូណេស៊ី បានកាត់ទោសដាក់ពន្ធនាគារ Tommy Schaefer ១៨ ឆ្នាំ ។
ប៉ុន្តែថ្មីៗនេះ ភរិយារបស់លោក Tommy Schaefer គឺនាង Heather Mack បាននិយាយនៅក្នុងខ្សែអាត់វីដេអូមួយ រៀបរាប់ពីការពិតដែលខ្លួនបានសម្លាប់ម្ដាយខ្លួនឯង ដែលមានអាយុ ៦២ ឆ្នាំ ដោយបញ្ជាក់ថា នាងជាអ្នកធ្វើឃាតម្ដាយខ្លួនឯង ដើម្បីសងសឹកចំពោះម្ដាយដែលបានសម្លាប់ឪពុករបស់នាង ហើយនាងបានរៀបចំគម្រោងតែម្នាក់ឯង មិនជាប់ពាក់ព័ន្ធនឹងប្ដីរបស់នាងឡើយ ។
តុលាការ ឥណ្ឌូណេស៊ី កាត់ទោសនាង Heather Mack ឲ្យជាប់ពន្ធនាគារ ឆ្នាំ ពីបទធ្វើឃាតម្ដាយខ្លួនឯងនៅលើកោះ បាលី ។ Heather Mack បញ្ជាក់ថា នាងបានប្រើប្រាស់លេខទូរស័ព្ទរបស់ប្ដី ដើម្បីបញ្ឆោតម្ដាយឲ្យទៅកាន់បន្ទប់សណ្ឋាគារមួយនៅលើកោះ បាលី ប្រទេស ឥណ្ឌូណេស៊ី ហើយបានរៀបចំធ្វើឃាតម្ដាយនៅទីនោះ ។ ក្រោយធ្វើឃាតរួចហើយ Heather Mack បង្ខំប្ដីរបស់ខ្លួនឲ្យយកសាកសពដាក់ក្នុងវ៉ាលីស៍ និងសម្អាតបន្ទប់សណ្ឋាគារ ដោយគំរាមថា បើមិនធ្វើតាម នាងនឹងប្ដឹងប៉ូលិស ហើយចោទថាជាឃាតកសម្លាប់ម្ដាយរបស់នាង ។ នាង Heather Mack អះអាងថា ម្ដាយរបស់នាងបានសម្លាប់ឪពុករបស់នាងក្នុងបន្ទប់សណ្ឋាគារ នៅពេលដែលនាងមានអាយុ ១០ ឆ្នាំ ដូច្នេះនាងត្រូវរៀបចំគម្រោងធ្វើឃាតម្ដាយ ក្នុងបន្ទប់សណ្ឋាគារដូចគ្នា ព្រមទាំងបញ្ជាក់ថា នាងបានសុំឲ្យប្ដីរកឃាតកដើម្បីធ្វើឃាតម្ដាយដោយផ្ដល់ប្រាក់ ៥ ម៉ឺនដុល្លារ ប៉ុន្តែប្ដីរបស់នាងបដិសេធ ទើបនាងសម្រេចចិត្តធ្វើដោយខ្លួនឯង ។
នាង Heather Mack និយាយថា នាងគ្មានវិប្បដិសារីចំពោះការសម្លាប់ម្ដាយខ្លួនឯងឡើយ ប៉ុន្តែនាងមានវិប្បដិសារីដែលធ្វើឲ្យប្ដីរបស់ខ្លួនជាប់ពាក់ព័ន្ធក្នុងអំពើឃាតកម្មនោះ ។ ប្រភពៈ mirror
ផ្តល់សិទ្ធិដោយ៖KQUBE
