√ អស់ទាស់ !! ស្ត្រីជើងខ្លាំង២នាក់ ផឹកស៊ីស្រវឹង វាយប្រាវសន្លប់១-ចូលប៉ុស្តិ៍១

ឧត្ដរមានជ័យ៖ កាលពីថ្ងៃទី០២ ខែកុម្ភៈ ឆ្នាំ២០១៦ នៅភូមិសំរោង សង្កាត់សំរោង ក្រុងសំរោង ។ ដោយមានស្ត្រី០២នាក់បាននាំគ្នាផឹកស៊ី ដល់ពេលស្រវឹងរៀង ក៏កើតមានជម្លោះ ហើយស្ត្រីដៃដល់បានទាញដុំឈើវាយស្ត្រីរងគ្រោះបណ្តាលឱ្យរងរបួសធ្ងន់ធ្ងរ ភ្លាមៗនោះសមត្ថកិច្ចបានចុះអន្តរាគមន៍ និងធ្វើការឃាត់ខ្លួនស្ត្រីបង្កនាំទៅអធិការដ្ឋានក្រុងដើម្បីធ្វើការសាកសួរតែម្ដង។

ប្រភពបានអោយដឹងថា ស្ត្រីជនរងគ្រោះឈ្មោះ ភ្លេង សែន អាយុ៣៧ឆ្នាំ ជាមនុស្សមានសតិមិនប្រក្រតី រងរបួសបែកក្បាល និងហើមលើផ្ទៃមុខសន្លប់ស្ដូកស្ដឹង រស់នៅក្នុងភូមិដូនកែន សង្កាត់សំរោង ក្រុងសំរោង ចំណែកស្ត្រីដៃដល់ឈ្មោះ ម៉ៅ ថុល អាយុ៤៥ឆ្នាំ រស់នៅក្នុងភូមិសង្កាត់កើតហេតុ ត្រូវបានសមត្ថកិច្ចឃាត់ខ្លួននាំទៅធ្វើការសាកសួរនៅអធិការដ្ឋានក្រុងសំរោង ។ ក្រោយកើតហេតុស្ត្រីរងគ្រោះនាំទៅមន្ទីរពេទ្យធ្វើការសង្គ្រោះ ៕