គួរឲ្យភ្ញាក់ផ្អើល! ទស្សនាវដ្ដីអាល្លឺម៉ង់ដ៏ល្បីមួយ ដែលមានឈ្មោះថា Der Spiegel ថី្មៗនេះបានរចនារូបភាពដ៏ក្ដៅគគុកមួយឡើងបង្ហាញរូប លោក Donald Trump កាត់ក្បាលរូបសំណាក Liberty របស់សហរដ្ឋអាមេរិក ដោយរូបភាពកំណាចនេះត្រូវបានចុះផ្សាយ បន្ទាប់ពីប្រធានាធិបតីអាមេរិក បានរិះគន់លើគោលនយោបាយរបស់លោកស្រី Angela Merkel ដែលជាអធិការបតីអាល្លឺម៉ង់។
នេះបើយោងតាម BBC បានចុះផ្សាយនៅព្រឹកថ្ងៃទី ០៥ ខែកុម្ភៈនេះ។ លោក Edel Rodriguez អ្នកនិពន្ធ និងគូររូបតុក្កតាបានឲ្យដឹងថា រូបភាពនេះ សំដៅលើ លោក Trump កាត់ក្បាលលទ្ធិប្រជាធិបតេយ្យ ដែលបានចុះផ្សាយដោយទស្សនាវដ្ដីដ៏ល្បីមួយរបស់អាល្លឺម៉ង់ឈ្មោះ Der Spiegel បន្ទាប់ពីរដ្ឋាភិបាលខាងលើបានរិះគន់លើគោលនយោបាយរបស់លោកស្រី Merkel តាមរយៈសារមួយពាក់ព័ន្ធទៅនឹងរឿង ជនអន្តោប្រវេសន៍។
គួរបញ្ជាក់ផងដែរថា Der Spiegel ចុះផ្សាយរូបលោក Donald Trump កាត់ក្បាលរូបសំណាក Liberty ខាងលើដោយគ្មានការកោតខ្លាចអាមេរិកសូម្បីតែបន្តិច ថែមទាំងដាក់ជា Cover នៅទំព័រដំបូងគេទៀតផង យ៉ាងណាមិញរដ្ឋាភិបាលអាមេរិក នូវពុំទាន់លេចចេញសញ្ញាឆ្លើយតបត្រឡប់វិញនៅឡើយទេ៕
ផ្តល់សិទ្ធិដោយ៖KQUBE
