ខេត្តកំពង់ស្ពឺ ៖ យុវជនម្នាក់ បានរងរបួសធ្ងន់ធ្ងរ ហើយត្រូវបានសាច់ញាតិ ដឹកយកទៅសង្គ្រោះ នៅមន្ទីរពេទ្យ ខណៈដែលជិះម៉ូតូម្នាក់ឯង ហើយត្រូវរថយន្ត បើកបញ្ច្រាស់ទិស ក្នុងល្បឿនលឿន បុកចំពីមុខយ៉ាងពេញទំហឹង។ ហេតុការណ៍គ្រោះថ្នាក់ចរាចរណ៍ ខាងលើនេះ បានកើតឡើង កាលពីវេលាម៉ោង ១២និង០៥នាទី ថ្ងៃត្រង់ថ្ងៃទី 24.03.2017 នៅ លើកំណាត់ផ្លូវជាតិលេខ04 ចន្លោះគីឡូម៉ែត្រលេខ 59ទៅ60 ត្រង់ចំណុច ភូមិទួលថ្មី ឃុំមហាសាំង ស្រុកភ្នំស្រួច ខេត្តកំពង់ស្ពឺ ។
នគរបាលចរាចរណ៍ស្រុក បាននិយាយអោយដឹងថា នៅមុនពេលកើតហេតុ មានរថយន្ត1គ្រឿង ម៉ាក HIGH LANDER ពណ៍ស ពាក់ស្លាកលេខ សៀមរាប 2B 4666 អ្នកបើកបរមិនស្គាល់ ឈ្មោះក្រោយកើតហេតុបានចតរថយន្តទុកចោលរត់គេចខ្លួនបាត់ស្រមោល។នគរបាលបន្តថារថយន្តបង្កហេតុខាងលើបាន បើកបរពីទិសខាងកើតទៅទិសខាងលិច ក្នុងល្បឿនលឿនលុះធ្វើដំណើរ មកដល់ចំណុចខាងលើបានបុក ម៉ូតូ1គ្រឿង ម៉ាក ហុងដាC125 សេរី 2014 ពណ៍ ខ្មៅ ពាក់ផ្លាកលេខ ភ្នំពេញ 1CG. 4230. ដែលបើកបរបញ្ច្រាស់ទិសគ្នា អ្នកបើកបរម៉ូតូ ឈ្មោះ ឈុំ សុធារ៉ា ភេទប្រុស អាយុ22ឆ្នាំ រស់នៅភូមិត្រពាំងក្រឡាញ់ ឃុំ មហាសាំង ស្រុកភ្នំស្រួច ខេត្តកំពង់ស្ពឺ របួសធ្ងន់ ត្រូវបានសាច់ញ្ញាតិ បញ្ជូនទៅមន្ទីពេទ្យ។
ក្រោយកើតហេតុនគរបាលជំនាញបានចុះទៅធ្វើការវាស់វែងនៅកន្លែងកើតហេតុ។ អ្នកបើកបររថយន្ត ក្រោយពេលកើតហេតុ បានចុះរត់គិចខ្លួនបាត់ ម៉ូតូខូចខាត ធ្ងន់. រថយន្ត ខូចខាត ធ្ងន់រថយន្តបង្កនិងម៉ូតូ ត្រូវបានយកមករក្សារទុកនៅអធិការដ្ឋាននគរបាលស្រុកភ្នំស្រួច ដើម្បីចាត់កាតាមនិតិវិធី ៕ ដោយ សុវណ្ណ វឌ្ឍនៈ
ផ្ដល់សិទ្ធិដោយ៖VD7News
