ខេត្តតាកែវ ៖ មានគ្រោះថ្នាក់ចរាចរណ៍មួយ បានកើតឡើង មុននេះបន្តិច នៅវេលាម៉ោង ១១ និង ២០នាទី ថ្ងៃទី២៤ ខែមីនា ឆ្នាំ២០១៧ តាមបណ្តោយផ្លូវជាតិលេខ២ ស្ថិតនៅភូមិថ្នល់បំបែក សង្កាត់រកាក្រៅ ក្រុងដូនកែវ ខេត្តតាកែវ រវាងម៉ូតូម៉ាកនិច និងម៉ូតូសង់កូរ៉េ បណ្តាលឲ្យរបួសទាំងសងខាង។
ប្រភពប្រាប់ថា មុនកើតហេតុ គេឃើញម៉ូតូទាំង២គ្រឿង បើកក្នុងទិសដៅពីជើងទៅត្បូង ស្របទិសគ្នា ស្រាប់តែមកដល់កន្លែងកើតហេតុ ម៉ូតូសង់កូរ៉េ រកបត់ឆ្លងថ្នល់ ក៏ស្រាប់តែមានម៉ូតូម៉ាកនិច បើកបរដោយក្មេងស្រីម្នាក់ បានបើកមកពីក្រោយយ៉ាងលឿន ក៏បានប៉ះដៃចង្កូត បណ្តាលឲ្យដួលរងរបួសទាំងសងខាង ។ ក្រោយពេលកើតហេតុ ជនរងគ្រោះទាំង២ទៅពេទ្យរៀងៗខ្លួន ចំណែកឯម៉ូតូយកទៅរៀងខ្លួន មិនរំខានដល់សមត្ថកិច្ចឡើយ៕ ដោយ សុខន
ផ្ដល់សិទ្ធិដោយ៖VD7News
