ក្រុមជម្រើសជាតិឥណ្ឌាបានយកឈ្នះលើក្រុមម្ចាស់ផ្ទះគោព្រៃកម្ពុជាដោយលទ្ធផល៣ទល់នឹង២ក្នុងការប្រកួតលក្ខណៈមិត្តភាពអន្តរជាតិអម្បាញ់មិញនេះ។ ក្រោមការដឹកនាំលើកដំបូងរបស់លោក Leonardo Vitorino ឃើញថាទម្រង់លេងរបស់កម្ពុជាហាក់មានប្រៀបខ្លាំង និងគ្រប់គ្រងបាល់បានច្រើនប៉ុន្តែនៅតែមិនអាចយកជ័យជម្នះលើក្រុមខ្លាំងឥណ្ឌាបាននោះទេ។
យ៉ាងណាមិញ ៣គ្រាប់គ្រាប់ឈ្នះកម្ពុជាទាំងប្រផុតប្រផើយនេះធ្វើបានដោយកីឡាករ Sunil Chhetri, Jeje Lalpekhlua, និង Sandesh Jhingan ក្នុងនាទីទី៣៥,៤៩,៥២ ខណៈ២គ្រាប់របស់ជម្រើសជាតិកម្ពុជាវិញស៊ុតបញ្ចូលទីដោយ ឃួន ឡាបូរ៉ាវី និងតារាឆ្នើម ចាន់ ចាន់ វឌ្ឍនាកា នៅនាទីទី៣៧,៦០ ធ្វើឲ្យចប់ការប្រកួតកម្ពុជាចាញ់ក្នុងលទ្ធផលបច្ចេកទេស៣ទល់នឹង២។
សូមបញ្ជាក់ផងដែរថា លោក Leonardo Vitorino នឹងត្រូវដឹកនាំគោព្រៃកម្ពុជាទៅប៉ះ ហ៊្សកដានី ជាលើកទី២ក្នុងការប្រកួតវគ្គជម្រុះ AFC នៅថ្ងៃទី២៨ខាងមុខនេះ៕
វីដេអូផ្សាយផ្ទាល់ទី BTV Cambodia
ផ្ដល់សិទ្ធិដោយ៖KQUBE
