ខេត្តបាត់ដំបង៖ កាលពីវេលាម៉ោង១៧និង៣០នាទីថ្ងៃទី២៧ ខែមិនា ឆ្នាំ២០១៧ម្សិលមិញនេះ នៅក្រុមទី៣ ភូមិក្រសាំង ឃុំតាម៉ឺន ស្រុកថ្មគោល ខេត្តបាត់ដំបង។ ដោយក្ដីសង្វេគមួយបានកើតឡើងលើគ្រួសារតាយាយ ព្រោះតែចៅស្រីដែលម្ដាយ-ឪពុករបស់គេ ផ្ញើមើលថែ ពេលនេះរអិលជើងធ្លាក់ចូលក្នុងទឹកលង់ស្លាប់សល់តែតែក្ដី ក្ដុកក្ដួលសម្រាប់តានិងយាយ។
សមត្ថកិច្ចបានអោយដឹងថា ក្មេងលង់ទឹកស្លាប់មានឈ្មោះ កើច ចាន់រី ភេទស្រី អាយុ២ឆ្នាំ រស់នៅក្រុមទី០៣ ភូមិក្រសាំង ឃុំតាម៉ឹន ស្រុកថ្មគោល។ សមត្ថកិច្ចបន្តថាមូលហេតុដែលបណ្តាលអោយក្មេងស្រីដើរទៅមាត់ស្រះរអិលជើងធ្លាក់ចូលទឹកលង់ស្លាប់ ដោយសារតែឪពុក មា្តយមិននៅរវល់ទៅរកស៊ីនៅប្រទេសថៃ ដោយទុកកូនស្រី នៅជាមួយ តា និងយាយ។
បច្ចុប្បន្នៈសាកសពក្មេងស្រីរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី៕ ដោយ៖ (ឥទ្ធិពល)
ផ្ដល់សិទ្ធិដោយ៖VD7News
