រដ្ឋ កូចារ៉ាត់ (Gujarat) គាគខាងលិចប្រទេស ឥណ្ឌា បានអនុម័តច្បាប់ថ្មី ដែលតម្រូវឲ្យកាត់ទោសដាក់ពន្ធនាគារអស់មួយជីវិតនូវជនណាដែលបានសម្លាប់សត្វគោ ។ ច្បាប់ថ្មីនេះ ចាប់ផ្ដើមអនុវត្តពីថ្ងៃសៅរ៍ ទី ៣១ ខែ មិនា នេះតទៅ ។
តាមរយៈវិសោធនកម្មច្បាប់ការពារសត្វ អ្នកដែលជួញដូរសាច់គោ និងមានទោសជាប់គុក ១០ ឆ្នាំ ។ ចំណែករដ្ឋភាគច្រើនក្នុងប្រទេស ឥណ្ឌា ក៏មានច្បាប់ហាមប្រាមសម្លាប់សត្វគោផងដែរ ព្រោះគោគឺជាសត្វពិសិដ្ឋសម្រាប់អ្នកកាន់សាសនា ហ៊ីនដូ ដែលជាសាសនាប្រជាជនឥណ្ឌាភាគច្រើនគោរព ។
រដ្ឋមន្ត្រីប្រចាំរដ្ឋ កូចារ៉ាត់ និយាយថា គោគឺជានិម្មិតសញ្ញារបស់វប្បធម៌ ឥណ្ឌា ហើយវិសោធនកម្មច្បាប់នេះធ្វើឡើងក្រោយពីបានពិភាក្សាយោបល់ពីប្រជាជន ។ ទោះយ៉ាងណា រដ្ឋ កូចារ៉ាត់ មានច្បាប់ដាក់ទោសធ្ងន់ធ្ងរបំផុតជាងរដ្ឋដទៃទៀតសម្រាប់ករណីសម្លាប់សត្វគោ ។ ក្រៅពីជាប់ពន្ធនាគារ ជនល្មើសត្រូវបានពិន័យជាប្រាក់ប្រមាណ ៧៧១ ដុល្លារអាមេរិក ។
ផ្ដល់សិទ្ធិដោយ៖KQUBE
