ខេត្តព្រះសីហនុ៖ មេធាវីមួយរូបឈ្មោះ ហេង ឫទ្ធី អាយុ ៣៦ឆ្នាំ បានដាក់បណ្ដឹងដល់សមត្ថកិច្ច ដើម្បីស្រាវជ្រាវរកបុរស ដែលជនសង្ស័យម្នាក់ ដោយលោកអះអាងថា បានវាយរូបលោកនៅក្នុងខារ៉ាអូខេ ស៊ីធីហ្គោល កាលពីវេលាម៉ោងជិត១០កន្លះយប់មិញ ត្រូវនឹងថ្ងៃទី១៨ ខែមីនា ឆ្នាំ២០១៧ និងបានភ្ជាប់ដោយរូបភាពចេញពីកាមេរ៉ាសុវត្ថិភាពមកជាមួយផងដែរ។
យោងតាមពាក្យបណ្ដឹងដាក់ជូននគរបាលសង្កាត់លេខ៤បានឲ្យដឹងថា ហេតុការណ៍នេះកើតឡើងក្នុងពេលលោកមេធាវី ហេង ឫទ្ធី កំពុងឡើងជណ្ដើរទៅជាន់ខាងលើ ចំពេលចង្អៀតមនុស្សចេញ ចូលច្រើន ហើយក៏បានប៉ះជាមួយបុរសម្នាក់ដែលកំពុងចុះមកក្រោមវិញ ខណៈនោះបុរសជាជនសង្ស័យបានដាល់ និងធាក់រូបលោក រួចក៏ឡើងជិះរថយន្តហ្វីហ្គោចេញពីខារ៉ាអូខេនោះតែម្ដង៕
ផ្ដល់សិទ្ធិដោយ៖KQUBE
