រាជធានីភ្នំពេញ ៖ យុវជន១ក្រុម ម៉ូតូឌុបគ្នា រត់គេចពីក្រុមក្មេងស្ទាវ ដេញកាប់ហើយភ័យពេក ក៏ជ្រុលបុកដើមឈើម្នាក់ បានស្លាប់នៅកន្លែងកើតហេតុ យ៉ាងអានោចអាធម៍ និង២នាក់ទៀតរងរបួសធ្ងន់ធ្ងរ កាលពីវេលាម៉ោង១រំលងអាធ្រាត ឈានចូលព្រឹក ថ្ងៃទី១៩ខែមីនាឆ្នាំ២០១៧ នៅចំណុច មុខធានាគាអេស៊ីលីដា ខាងត្បូងស្តុប កៅដាយ ផ្លូវម៉ៅសេទុង សង្កាត់ទំនប់ទឹក ខណ្ឌចំការមន។
ជនរងគ្រោះ ដែលស្លាប់មានឈ្មោះ អ៊ុក ភេទប្រុស អាយុ១៩ ឆ្នាំស្នាក់នៅបុរីន្តិភាព២ សង្កាត់ពងទឹកខណ្ឌដង្កោ ចំណែកអ្នករបួសធ្ងន់ ទាំង២នាក់ មានទី១ ឈ្មោះ ធី ភេទប្រុសអាយុ១៧ឆ្នាំ មុខរបររត់តុ ស្នាក់សង្កាត់ពងទឹក ខណ្ឌដង្កោរ ទី២ឈ្មោះជូ ភេទប្រុស អាយុ១៦ឆ្នាំ ស្នាក់ជិតគ្នា ។
តាមសំដីមិត្តភក្ត្រ័សពបានអោយដឹងថា មុនពេលកើតហេតុ រូបគេរួមទាំងមិត្តភ័ក្ត្រ មានទាំងជនរងគ្រោះផង បានចេញពីផ្ទះ បំណងទៅលេងនៅកោះពេជ្រ ដោយមានគ្នា៦ទៅ៧នាក់ ជិះម៉ូតូ៣គ្រឿង ដោយជនរងគ្រោះ ជិះម៉ូតូម៉ាកនិច ពណ៍ស ពាក់ស្លាកលេខ ភ្នំពេញ 1FT-4928 ឌុបគ្នា៣នាក់ ខណះមកដល់ចំណុចគល់ស្ពានស្ទឹងមានជ័យ ក៏មានក្រុមក្មេងស្ទាវ មានគ្នាជាង១០នាក់ ជិះម៉ូតូ៥ទៅ៦គ្រឿង ប្រដាប់ដោយដាវសាំម៉ូរៃ ដេញតាមពួកគេពីក្រោយ រហូតដល់ចំណុចកើត ស្រាប់តែមិត្តភក្ត្រ័គេ ដែលស្លាប់នោះភ័យពេក ក៏ជិះម៉ូតូទៅបុកនិងដើមឈើ ស្លាប់ម្នាក់និង២នាក់ទៀត រងរបួសធ្ងន់ ចំណែករូបគេនិងអ្នកផ្សេងចំនួន២ម៉ូតូទៀតបានជិះគេចរួចខ្លួន ។
ប្រភពដដែលបន្តទៀតថា ពេលដែលក្រុមក្មេងស្ទាវដេញកាប់នោះពួកគេដែលជាជនរងគ្រោះ មិនបានគិតជួយគ្នាទេ គឺជិះគេចរកតែរួចខ្លួនប៉ុណ្ណោះ ព្រោះភ័យពេក ។ បន្ទាប់ពីបាត់មិត្តភក្ត្រ័យូរពេក រូបគេក៏បកក្រោយវិញដើម្បីរកគ្នាស្រាប់តែឃើញមិត្តភក្ត្រ័គេម្នាក់ដេកស្លាប់ម្នាក់បាត់ទៅហើយ ។ ក្រោយពេលកើតហេតុជនរងគ្រោះទាំង២ត្រូវរថយន្តសង្គ្រោះដឹកយកទៅព្យាបាលនៅមន្ទីរពេទ្យ ចំណែកសពត្រូវបានប្រគល់អោយក្រុមគ្រួសារយកទៅធ្វើបុណ្យតាមប្រពៃណីនៅឯគេហដ្ឋាន ៕ ផ្ដល់សិទ្ធិដោយ VD7
