តុលាការទីក្រុងសេអ៊ូលបានសម្រេចចេញដីកាបញ្ចប់រឿងក្ដី អតីតប្រធានាធិបតីកូរ៉េខាងត្បូងលោកស្រី ផាក គីនហេ (Park Geun-hye) រួចហើយ ដោយរដ្ឋអាជ្ញាបានអនុញ្ញាតឲ្យចាប់ខ្លួនពីបទ រំលោភអំណាច ប្រព្រឹត្តអំពើពុករលួយ កាលពីល្ងាចថ្ងៃទី៣០ ខែមីនាម្សិលមិញ។ រហូតមកដល់ព្រឹកនេះ លោកស្រីកំពុងត្រូវបានគេបញ្ជូនទៅកាន់ពន្ធនាគារសេអ៊ូល ដោយជាប់ខ្លួនយ៉ាងតិច១០ឆ្នាំ។
អតីតប្រធានាធិបតីវ័យ ៦៥ឆ្នាំរូបនេះ ក៏ត្រូវបានតុលាចោទប្រកាន់ផងដែរពីបទ រួមគំនិតគ្នាជាមួយមិត្តភ័ក្ដិជំនិតម្នាក់ ដែលធ្វើឱ្យក្រុមហ៊ុនធំៗជាច្រើននៅ កូរ៉េខាងត្បូង បង់ប្រាក់ជាង ៧០លានដុល្លារក្រោមរូបភាពជាអំណោយឱ្យទៅមូលនិធិគ្រប់គ្រងដោយស្ត្រីឈ្មោះ ឆយ ស៊ូនស៊ីល (Choi Soon-sil)។
សូមរម្លឹកថា កាលពីថ្ងៃទី១០ ខែមីនា ឆ្នាំ២០១៧ កន្លងទៅ តុលាការធម្មនុញ្ញកូរ៉េខាងត្បូង បានចេញសាលក្រមទម្លាក់លោកស្រី ផាក គឺនហេ ចេញពីតំណែងប្រធានាធិបតី ខណៈមហាជនប្រមូលគ្នាតវ៉ាយ៉ាងពុះកញ្ជ្រោលប្រឆាំងលោកស្រី ពាក់ព័ន្ធទៅនឹងអំពើពុករលួយក្នុងប្រទេស នឹងបានរៀបចំការបោះឆ្នោតជ្រើសរើសប្រធានាធិបតីថ្មី នារយៈពេល ៦០ថ្ងៃបន្ទាប់ផងដែរ៕
ប្រភព៖ BBC
ផ្ដល់សិទ្ធិដោយ៖KQUBE
