ភ្នំពេញ ៖ ក្មេងស្រីអាយុ៧ខែម្នាក់ បានស្លាប់យ៉ាងអាណោចអាធ័ម ក្រោយពេលបញ្ជួនទៅដល់មន្ទីរពេទ្យកុមារជាតិ បន្ទាប់ពីផ្ទុះកំប៉ុងហ្គាស ហើយឆាបឆេះរោលខ្លោច ស្បែកពេញខ្លួន។ ហេតុការណ៏ភ្ញាក់ផ្អើលខាងលើនេះ បានកើតឡើងកាលពីវេលាម៉ោង ៨និង១០ព្រឹក ថ្ងៃទី២១ខែមិនាឆ្នាំ២០១៧ នៅចំណុចបន្ទប់ជួលលេខ៣ ផ្លូវបេតុងភូមិទ្រា៤ សង្កាត់ស្ទឹងមានជ័យ ខណ្ឌមានជ័យ រាជនីភ្នំពេញ។
ក្មេងស្រីរងគ្រោះមានឈ្មោះ ដុស ឌីនីកា ភេទស្រី អាយុ៧ខែ ឪពុកមានឈ្មោះ ដុស ចាន់ឌី ភេទប្រុស អាយុ២៧ឆ្នាំ មុខរបរ ជាងជួសជុលម៉ូតូ លាងម៉ូតូ និងបញ្ចូលកំប៉ុងហ្គាស ស្នាក់នៅបន្ទប់ជួលកន្លែងកើតហេតុ មានស្រុកកំណើតភូមិកោះខែល ឃុំកោះខែល ស្រុកស្អាង ខេត្តកណ្ដាល រីឯប្រពន្ឋឈ្មោះ ស៊ុន សុម៉ាលីស អាយុ២៤ឆ្នាំ មុខរបរនៅផ្ទះ ស្នាក់នៅជាមួយគ្នា មានស្រុកកំណើតខត្តព្រៃវែង៕ ដោយ ឆវ័ន្ន
ផ្ដល់សិទ្ធិដោយ៖VD7News
