ក្រុមម្ចាស់ផ្ទះ Barcelona បានបំបាក់ក្រុមភ្ញៀវ Osasuna ៧-១ យ៉ាងចាស់ដៃក្នុងការប្រកួតក្របខ័ណ្ឌ La Liga សប្ដាហ៍ទី៣៤នេះ។
៧គ្រាប់របស់ក្រុមកំពុងឈរកំពូលតារាង Barça រកបានដោយ Lionel Messi ២គ្រាប់ក្នុងនាទីទី(១២,៦១), Andre Gomes ២គ្រាប់(៣០,៥៧), Francisco Alcacer ២គ្រាប់(៦៤,៨៦), និងមួយគ្រាប់ទៀតជាការស៊ុតបាល់១១ម៉ែត្ររបស់ Javier Mascherano នាទី៦៧។ ដោយឡែកមួយគ្រាប់លួងចិត្តរបស់ក្រុមភ្ញៀវ Osasuna វិញធ្វើបានដោយ Roberto Torres ស៊ុតបញ្ចូលទីនាទីទី៤៨។
យ៉ាងណាមិញ ក្រោយយកបាន៣ពិន្ទុរួចមក Barcelona កំពុងបន្តឈរកំពូលតារាងមាន៧៨ពិន្ទុ តាមពីក្រោយដោយ Real Madrid មាន៧៥ពិន្ទុ៕