ខ្សែប្រយុទ្ធមុតស្រួច Robert Lewandowski របស់ Bayern Munich អាចនឹងមិនបានជួយក្រុមលេងទល់នឹង Real Madrid ក្នុងវគ្គ៨ក្រុម Champions League ក្រោយមានបញ្ហារបួសស្មា។
Lewandowski បានរងរបួសស្មាយ៉ាងធ្ងន់ធ្ងរក្នុងអំឡុងពេលប្រកួតឈ្នះ Borussia Dortmund ៤-១ កាលពីថ្ងៃសៅកន្លងមក។ យ៉ាងណាមិញ បន្ទាប់ពីមានបញ្ហារបួសស្មារួចមកខ្សែប្រយុទ្ធសញ្ជាតិប៉ូឡូញរូបនេះត្រូវបានចូលហ្វឹកហាត់ជាធម្មតា ប៉ុន្តែមិនអាចហាត់ខ្លាំងពេញម៉ោងនោះទេ។
ជាមួយគ្នានេះដែរ គ្រូបង្វឹកលោក Carlo Ancelotti នៅតែជឿជាក់ថាខ្សែប្រយុទ្ធវ័យ២៨ឆ្នាំរូបនេះនឹងជាសះស្បើយអាចលេងក្នុងជំនួបជើងទី១ទល់នឹង Real Madrid នៅថ្ងៃទី១៣ខាងមុខនេះបាន៕ ប្រភព៖ Marca
