ភ្នំពេញ៖ មានហេតុការណ៍ ដ៏គួរឲ្យអាសូរមួយបានកើតឡើង ប្ដីប្រពន្ធ២នាក់ ពីរនាក់ ឆក់ចរន្ដអគ្គិសនីស្លាប់ ខណៈដែលកំពុងតែបូមទឹកលិចចេញពីក្នុងផ្ទះ នៅរសៀលថ្ងៃទី២៩ ខែមេសា ឆ្នាំ២០១៧នេះ ក្នុងសង្កាត់ចោមចៅ រាជធានីភ្នំពេញ បានយកម៉ូទ័របូមទឹកដែលជន់លិច កាលពីយប់មិញ ចេញពីក្នុងផ្ទះ ប៉ុន្ដែអកុសលពេលកំពុងបូមនោះ ស្រាប់តែឆ្លងចរន្ដអគ្គិសនីឆកស្លាប់់ទាំង២នាក់ភ្លាមៗ ដោយបន្សល់ទុកកូនស្រីប្រុស៥នាក់ ឲ្យនៅកំព្រាឯការ។ក្រោយកើតហេតុសមត្ថកិច្ចជំនាញ បានចុះទៅកន្លែងកើតហេតុ ដើម្បីពិនិត្យសព ហើយរកឃើញថា ពិតជាស្លាប់ដោយសារឆក់ចរន្ដអគ្គិសនីប្រាកដមែន។ បច្ចុប្បន្នសពត្រូវបានក្រុមគ្រួសារ រៀបចំធ្វើបុណ្យតាមប្រពៃណី៕លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូន រាជធានីភ្នំពេញ និងជាប្រធានក្រុមការងារ ចុះជួយសង្កាត់ចោមចៅ បានចុះទៅដល់ផ្ទះកើតហេតុភ្លាមៗ ដោយធានារ៉ាប់រង ការចំណាយធ្វើបុណ្យសពទាំងអស់។
ក្រៅពីធានាចេញថ្លៃបុណ្យសព លោក សាំ ពិសិដ្ឋ ក៏បានចូលបុណ្យសព៤០០ដុល្លារ និងនាំអំណោយទៅជាមួយផងដែរ រួមមាន អង្ករ២បាវ, ទឹកសុទ្ធ២កេស, ទឹកត្រីទឹកស៊ីអ៊ីវ២យូរ និងត្រីខ២យូរ។ បន្ថែមពីនេះ ចំពោះថ្លៃដឹកសពយកទៅធ្វើបុណ្យនៅស្រុកកំណើត ក្នុងខេត្តតាកែវ ក៏លោកជាអ្នកចេញផងដែរ។ដោយ vd7
