ខេត្តមណ្ឌលគិរី៖ ដំរីចុះប្រេងមួយក្បាលដែលបានជាន់សម្លាប់ម្ចាស់ខ្លួនកាលពីប៉ុន្មានថ្ងៃមុននេះ ត្រូវបានកម្លាំងសមត្ថកិច្ចបាញ់៥គ្រាប់ សម្លាប់ចោលហើយ បន្ទាប់ពីដំរីមួយក្បាលនេះចេញមកដេញវាយប្រហារប្រជាពលរដ្ឋនៅភូមិពូតាំង។
លោក ចេង ហៀ មន្ត្រីការិយាល័យផលិតកម្ម និងបសុព្យាបាលខេត្តមណ្ឌលគិរីបានឲ្យដឹងថា ហ្មដំរីដែលរងគ្រោះកាលពីថ្ងៃទី៥ ខែមេសា ឆ្នាំ២០១៧មានឈ្មោះ ជើង ទៀម អាយុ៤៥ឆ្នាំ ជនជាតិព្នងជាមានទីលំនៅបច្ចុប្បន្នភូមិពូតាំង សង្កាត់រមនា ក្រុងសែនមនោរម្យ។
ហើយមកដល់ម៉ោងប្រហែលជាង ២យប់ឈានចូលថ្ងៃទី ៧ខែមេសា ឆ្នាំ២០១៧នេះ សមត្ថកិច្ចក៏សម្រេចចិតត្តបាញ់សម្លាប់ ដំរីចោល ដោយមូលហេតុដំរីនេះមានជម្ងឺចុះប្រេងនិងបានចូលក្នុងភូមិ វាយផ្ទះប្រជាពលរដ្ឋ ប្រហែល ៦ខ្នង និងបន្ទប់ទឹក២ នៅក្នុងភូមិពូតាំង៕
