សិល្បៈ ៖ តាមគម្រោងតារាចម្រៀងកញ្ញា រតនៈ ពិសី ចេញទៅសម្ដែងនៅប្រទេសកាណាដាជើងនេះមានរយៈពេល៦ខែ ប៉ុន្តែដំណើររបស់នាងទើបតែបានរយៈពេលមួយខែទេ នាងក៏មានបញ្ហាត្រូវរត់មកស្រុកខ្មែរវិញ ដើម្បីដោះស្រាយ ដោយបានមកដល់ប្រលានយន្តហោះអន្តជាតិភ្នំពេញកាលពីវេលាម៉ោង១២ថ្ងៃទី២២ម្សិលម្ង៉ៃ។
ក្រោមការជជីកសួរនាំតាមទូរស័ព្ទពីលោក តាន់ ចន្ថា អ្នកផលិតព័ត៌មានវេបសាយ Kqube.net ជុំវិញការវិលមកដល់ស្រុកមុនថ្ងៃកំណត់កញ្ញា រតនៈ ពិសី ប្រាប់ថា នាងបានមកដល់ភ្នំពេញនៅម៉ោង១២យប់ថ្ងៃទី២២មេសា ម្សិលម្ង៉ៃ។ ការមកដល់របស់នាងគឺអាថ៌កំបាំងបន្តិច ព្រោះនាងមិនបានប្រាប់ព័ត៌មានដល់អ្នកគាំទ្រ ឬអ្នកកាសែតទេ ព្រោះត្រូវមកឡើងដោះស្រាយការងារផ្ទាល់ខ្លួន។
រតនៈ ពិសី បន្តថា ពេលដែលនាងចង់លាក់បាំងរឿងនេះ មានអ្នកនិយាយពីនាងច្រើន ហើយខុសនឹងភាពជាក់ច្បាស់ ដូច្នេះហើយនាងត្រូវតែនិយាយរឿងនេះឲ្យច្បាស់កុំឲ្យមានការនិយាយពីមាត់មួយទៅមួយខុសរឿងពិត។ កញ្ញាបន្តថា រឿងដែលនាងត្រូវឡើងមកដោះស្រាយនោះ គឺរឿងហាងម៉ាហ្សា គឺត្រូវដោះស្រាយបញ្ចប់ជាមួយអតីតសង្សារចាស់របស់នាង ហើយនាងត្រូវសេងបន្តទៅអ្នកផ្សេងទៀត ដែលត្រូវមានស្នាមមេដៃ និងហត្ថលេខារបស់នាងផ្ទាល់។ កញ្ញាថា ពេលដែលការងារនេះចប់នាងត្រូវឡើងទៅសម្ដែងនៅកាណាដាវិញ ប៉ុន្តែនាងមិនទាន់អាចបញ្ជាក់ពេលាវេលាច្បាស់ទេ ព្រោះការងារក្នុងហាងមិនទាន់ចប់៕
