នៅ១០នាទីចុងក្រោយក្នុងការប្រកួតកាលពីយប់មិញ James Rodriguez សឹងក្លាយជា Hero របស់ Real Madrd ទៅហើយ នៅពេលដែលរូបគេទាត់បញ្ចូលទីតាមស្មើ Barcelona នៅនាទី៨៥ តែអ្វីដែលគេចាប់អារម្មណ៍បំផុតកាយវិការអប់អរគ្រាប់បាល់។
តើកាយវិការអប់អរគ្រាប់បាល់របស់ James Rodriguez ពេលតាមស្មើ Barcelona មានអត្ថន័យដូចម្ដេច?
កីឡាករសញ្ជាតិកូឡុំប៊ី បានចូលលេងនៅនាទី៨២ជំនួស Karim Benzema ដែលត្រូវប្ដូរចេញ ហើយបីនាទីក្រោយមក រូបគេទាត់បាល់ទម្លុះដៃអ្នកចាំទីជម្រើសជាតិអាល្លឺម៉ង់ Marc-Andre ter Stegen ។ បន្ទាប់ពីបញ្ជូនបាល់ចូលសំណាញ់ទីក្រុម Barcelona, James បានធ្វើកាយវិការចង្អុលទៅលើក្បាលខ្លួនឯង ហើយបន្តចង្អុលទៅលើដីកីឡដ្ឋាន ដែលកាយវិការនេះមានន័យថា គាត់ចង់មានអនាគតជាមួយ Real Madrid ច្រើនរដូវកាលទៀត។
ទន្ទឹមនឹងនេះ គោលបំណងរបស់កីឡាករវ័យ២៥ឆ្នាំ គឺចង់បង្ហាញភាពប្ដេជ្ញាចិត្តរបស់ខ្លួនទៅកាន់កូនស្រីជាទីស្រឡាញ់របស់ខ្លួនផងដែរ។ អតីតកីឡាកររបស់ Monaco កំពុងស្ថិតក្នុងសភាពមិនសូវល្អ ប៉ុន្តែរូបគេ រកគ្រាប់បាល់បាន៧គ្រាប់ ក្នុងការចូលលេង២៨ប្រកួត (មិនពេញម៉ោង)ដែលនេះ ធ្វើឲ្យគេមានព័ត៌មានទាក់ទងធ្វើការផ្ទេរទៅលេងនៅក្លឹបផ្សេងក្នុងរដូវកាលនេះ។
គ្រាប់បាល់ចុងក្រោយបំផុតរបស់ Messi អាចនិយាយបានថាលួចយកភាពល្បីមួយគ្រារបស់ James ប៉ុន្តែគាត់នៅតែជាកីឡាករ ដែលគេនិយាយច្រើនក្នុងជំនួប El Clasico លើកនេះ។ សន្និដ្ឋានថាបើ Messi មិនរកគ្រាប់បាល់ទី៣ចុងម៉ោងឲ្យ Barcelona វិញតែនឹងមានរឿងអ្វីកើតឡើងសម្រាប់គ្រាប់តាមស្មើរបស់ James Rodriguez?
