ខេត្តកំពង់ស្ពឺ ៖ ក្រុមចោរល្បីល្បាញលួចរថយន្តម្នាក់ ត្រូវបាននគរបាលខេត្តកំពង់ស្ពឺ ធ្វើការឃាត់ខ្លួននិងបក្ខពួកជាច្រើននាក់ កំពុងរត់គេចខ្លួន បន្ទាប់ពីក្រុមនគរបាលខេត្តកំពង់ស្ពឺ បានរៀបចំគំរោងចាប់ក្រុមចោរខាងលើនេះ។ ហេតុការណ៍ឃាត់មុខសញ្ញាខាងលើបាន កាលពីវេលាម៉ោង៨និង១០នាទីយប់ ថ្ងៃទី១៩ខែមេសាឆ្នាំ២០១៧ កន្លងទៅ នៅមុខភោជណីយ៍ដ្ឋាន ដំរីស ក្នុងភូមិក្រាំងពលទេព សង្កាត់រកាធំ ក្រុងច្បារមន ខេត្តកំពង់ស្ពឺ។
នគរបាលខេត្តបាននិយាយអោយដេងថា មុខសញ្ញាលួចរថយន្តដែលឃាត់បានម្នាក់នោះមានឈ្មោះឯម សុភក្ត្រ័ ភេទប្រុស អាយុ៣៤ឆ្នាំ មុខរបរមិនពិតប្រាកដ ស្នាក់នៅមិនពិតប្រាកដ មានស្រុកកំណើតក្នុងភូមិអូរស្វាយចេក សង្កាត់រកាក្នុង ក្រុងដូនកែវ ខេត្តតាកែវ។ នគរបាលបាននិយាយអោយដឹងថាដំបូងឡើយជនរងគ្រោះឈ្មោះសើន ស៊ីណា បានបាត់រថយន្តសាំងយ៉ុង ពណ៌បៃតងចាស់ ពាក់ស្លាកលេខភ្នំពេញ 2W-2850 ដែលទុកនៅក្នុងផ្ទះ។ លុះក្រោយមកក្រុមចោរបានទាក់ទងយករថយន្តនោះទៅលក់អោយឈ្មោះកុល ម៉ៅ ក្នុងតំលៃជាង៣ពាន់ដុល្លា ហើយអ្នកទិញនោះបានយកមកជួសជុលដើម្បីដាក់លក់។
តាមសម្តីរបស់កុល ម៉ៅបាននិយាយអោយដឹងថាបានជាគាត់ទិញរថយន្តនោះដោយសារតែមានឯកសារនិងមានសាក្សីធានាហើយគាត់យកមកជួសជុលដាក់លក់បន្តទិញអស់៣២០០ដុល្លា ហើយជួសជុលអស់២ពាន់ដុល្លាជាងទៅហើយ។ ដល់ពេលដាក់លក់ ក៏ស្រាប់តែប៉ូលីសហៅគាត់ថា ទិញប៉ះចំរថយន្តមិនប្រក្រតីទៅវិញ។គាត់បានសំណូមពរសល់ម្ចាស់រថយន្តទាំងអស់ដែលបាត់ឬក៏ចោរលួចសូមទៅដាក់ពាក្យប្តឹងដល់ក្រសួងសាធារណការផង។
មន្ត្រីនគរបាលបានបង្ហើបអោយដឹងថា មុននឹងឈានដល់ការឃាត់មុខសញ្ញាខាងលើនេះ គឺកម្លាំងជំនាញបានដាក់និងធ្វើការអូសទាញរហូតដល់ឃាត់ខ្លួនបានម្នាក់។ តាមការសារភាពរបស់ឈ្មោះឯម សុភក្ត្រ័បាននិយាយថា រូបគេគ្រាន់តែជាអ្នកបើករថយន្តមកលក់ប៉ុណ្ណោះ ហើយក្រុមរបស់គេមានគ្នាច្រើនណាស់ ហើយមេខ្លោងឈ្មោះខុន ឌឿន មានកាំភ្លើង ហើយរថយន្តដែលពួកគេលួចបាននោះនៅច្រើនទៀត មិនក្រោម១០គ្រឿងនោះទេ។
មន្ត្រីនគរបាលមួយរូបបសនបង្ហើបថាប្រសិនបើលោកស្នងការខេត្តនិងជំនាញខេត្តកំពង់ស្ពឺមានឆន្ទៈតាមបង្ក្រាបសហការជាមួយនគរបាលក្រុងភ្នំពេញវិញនោះច្បាស់ជាក្រុមជនសង្ស័យមិនអាចគេចខ្លួនរួចឡើយ ប៉ុន្តែហាក់បីដូចជាខ្លាចអស់លុយចំណាយនោះបើទោះបីជាមានការចង្អុលបង្ហាញពីជនដង្ស័យក៏ដោយ។មិនដឹងថាលោកស្នងការខេត្តគិតយ៉ាងណានោះទេ មុខសញ្ញាស្គាល់ហើយដឹងពីទីតាំងស្នាក់នៅទៀតមិនបង្ក្រាបនោះ៕ ដោយ សុវណ្ណ វឌ្ឍនៈ
