ខេត្តកំពង់ស្ពឺ ៖ មនុស្ស២នាក់ បានរងរបួសធ្ងន់ ហើយត្រូវបានរថយន្តសាមុយ ដឹកយកទៅសង្គ្រោះ នៅមន្ទីរពេទ្យភ្លាមៗ ខណៈដែលជិះម៉ូតូ១គ្រឿង ហើយរថយន្តបើកបញ្ច្រាស់បុកពេញទំហឹង។ ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង ៤និង៣០នាទីល្ងាច ថ្ងៃទី០៩ខែមេសាឆ្នាំ២០១៧ នៅលើផ្លូវជាតិលេខ04 ចន្លោះគីឡូម៉ែត្រ លេខ64ទៅ65 ត្រង់ចំណុច ភូមិផ្សារត្រពាំងក្រឡឹង ឃុំគីរីវន្ត័ ស្រុកភ្នំស្រួច ខេត្តកំពង់ស្ពឺ។
នគរបាលស្រុកបាននិយាយអោយដឹងថា នៅមុនពេលកើតហេតុ មានរថយន្ត1ម៉ាក FUSO (កូរ៉េ ឃ្លុប) ពណ៍ ទឹកប្រាក់ ពាក់ស្លាកលេខ ភ្នំពេញ 3D.2554 អ្នកបើកបរឈ្មោះ ម៉ម សាមឌីហៅ (នាង) ភេទប្រុស អាយុ 36 ឆ្នាំ រស់នៅអំពិលស្អាង ឃុំឡាយបូ ស្រុកត្រាំកត់ ខេត្តតាកែវ បើកបរពីទិសខាងលិចទៅទិសខាងកើត មកដល់ចំណុចខាងលើ បានបុកជាមួយ ម៉ូតូ 1គ្រឿង ម៉ាក ហុងដា C125 ពណ៍ខ្មៅ ពាក់ស្លាកលេខ កំពង់ស្ពឺ 1F 7679 ដែលបើកបរស្របទិសគ្នា ដែលជិះគ្នា២ នាក់ អ្នកបើកបរឈ្មោះ ស៊ឹម សារ៉ុម ភេទប្រុស អាយុ 44ឆ្នាំ របួសស្រាល អ្នកជិះជាមួយឈ្មោះ កែវ ស៊ីនួន ភេទស្រី អាយុ33ឆ្នាំ អ្នកទាំងពីរស់នៅភូមិវត្តអង្គតាលប ឃុំសំរោងទង ស្រុកសំរោងទង របួសធ្ងន់ ក្រោយពេលកើតហេតុ រថយន្ត បានបើករត់គេច ទៅទិសខាង កើត លើផ្លូវជាតិលេខ4 Km 58.59 នៅចំណុច ភូមិព្រៃស្តុក ស្ពាន មហាសាំង អ្នកបើកបររថយន្ត បានចុះរត់គេចខ្លួនបាត់ ម៉ូតូខូចខាតស្រាល រថយន្តមិនមានការខូចខាត បានរក្សារទុកនៅអធិការដ្ឋាន នគរបាលស្រុកភ្នំស្រួច ដើម្បីដោះស្រាយនៅពេលក្រោយ៕ ដោយ សុវណ្ណវឌ្ឍនៈ
