បរទេស: វីដេអូកាម៉េរ៉ា CCTV បានបង្ហាញហេតុការណ៍ចែដន្យដ៏គួរឲ្យរន្ធត់មួយបានកើតឡើងនៅស្ថានីយរថភ្លើង Cronulla ក្នុងទីក្រុងស៊ីដនី ដោយមានក្មេងប្រុសម្នាក់បានធ្លាក់ចូលទៅក្នុងចន្លោះផ្លូវរថភ្លើង ពេលកំពុងព្យាយាមឡើងលើរថភ្លើងដើម្បីធ្វើដំណើរ។ ក្នុងហេតុការណ៍នេះគេឃើញក្មេងប្រុសបានកំពុងដើរជាមួយយាយតា និងបងស្រីរបស់គេ។
ពេលដើរទៅដល់ទ្វារថភ្លើង ក្មេងប្រុសម្នាក់នេះស្រាប់តែរបូតដៃធ្លាក់ចូលនៅក្នុងចន្លោះផ្លូវរថភ្លើងដែលកំពុងត្រៀមចេញដំណើរ។ លោកតារបស់គេភ័យខ្លាំងណាស់ បានខំស្រែកហៅឲ្យគេជួយចៅរបស់គាត់ និងស្រែកកុំអោយរថភ្លើងចេញដំណើរ។ ដោយសារតែចាំអ្នកមកជួយយូរលោកតាបានសម្រេចសង្គ្រោះចៅរបស់គាត់ដោយខ្លួនឯងផ្ទាល់។ លោកតាបានដាក់ដៃរបស់គាត់ចុះទៅក្រោមរួចព្យាយាមទាញចៅរបស់គាត់ចេញមកក្រៅបានមកវិញ។
សូមបញ្ជាក់ផងដែរថាជារៀងរាល់ឆ្នាំមានក្មេងតូចៗមិនតិចជាង២២៣នាក់ទេ ដែលបានធ្លាក់របៀបនេះជារៀងរាល់ឆ្នាំនៅក្នុងប្រទេសអូស្ត្រាលី។
ទស្សនាវីដេអូក្មេងប្រុសម្នាក់នេះធ្លាក់ខាងក្រោម:
ប្រភព: dailymail
