ក្នុងថ្ងៃពិសេសដែលហៅថា "ថ្ងៃនៃព្រះអាទិត្យ" ឬថ្ងៃគំរប់ខួបទី១០៥ឆ្នាំបិតាស្ថាបនិកកូរ៉េខាងជើងគឺលោក គីម អ៊ីលស៊ុង គេឃើញមានការហែលព្យុហយាត្រាដ៏អស្ចារ្យបង្ហាញសព្វាវុធថ្មីៗ ព្រមទាំងអ្នកចូលរួមជាច្រើននាក់ ក្នុងនោះក៏មានអ្នកសារព័ត៌មានមកពីបណ្តាលប្រទេសនានាផងដែរ។
ក្នុងដំណើរការហែលព្យុហយាត្រាសព្វាវុធ គេបានចាប់អារម្មណ៍យ៉ាងខ្លាំងទៅនឹងអាវុធមួយប្រភេទដែលគេសង្ស័យថាជាអាវុធថ្មីដំបូងគេមានឈ្មោះថា ICBM ហើយវាប្រហែលជាការអភិវឌ្ឃន៍ថ្មីផ្នែកសព្វាវុធមីស៊ីលរបស់អ្នកដឹកផ្តាច់ការលោក គីម ជុងអ៊ុន ដើម្បីបង្កើនសមត្ថភាពបាញ់មីស៊ីលថ្មីនេះឆ្លងទ្វិបឲ្យទៅដល់ដីនៃសហរដ្ឋអាមេរិកតែម្តង។ ហើយពិភពលោកប្រហែលជាអាចភ្លឺភ្នែក និងមានឱកាសទស្សនាការបាញ់បង្ហោះមីស៊ីលថ្មីនេះនៅថ្ងៃណាមួយ។
ដោយឡែកមន្រ្តីយោធាកូរ៉េខាងត្បូងបានឱ្យដឹងថា
ក្រោយពីពួកយើងបានអង្កេតលើមីស៊ីលថ្មីរបស់កូរ៉េខាងជើង យើងអាចដឹងយ៉ាងច្បាស់ថា ICBM ជាមីស៊ីលប្រភេទថ្មី ដែលមានរូបរាងវែងជាងមីស៊ីលកន្លងមកដែលមានស្រាប់គឺ KN-08 ឬ KN-14។
គួរបញ្ជាក់ផងដែរថានេះប្រហែលជាលើកទីមួយហើយដែលប្រទេសសម្ងាត់មួយនេះ បានបង្ហាញអាវុធថ្មីបំផុតនៅក្នុងព្រឹត្តិការណ៍សជាសាធារណះបែបនេះ។ ក្រៅពីនេះក៏នៅមានអាវុធថ្មីៗជាច្រើនទៀតដែលត្រូវបានបង្ហាញដូចជា មីស៊ីលក្នុងទឹកជាដើម។
ទស្សនាកំរងរូបភាពនាៗក្នុងថ្ងៃនៃព្រះអាទិត្យរបស់កូរ៉េខាងជើងខាងក្រោមនេះ:
ប្រភព: dailymail / dailystar
