ថ្មីៗនេះវីដេអូសត្វសេះលួចវាយប្រហារសត្វក្រពើកំពុងតែទទួលការចាប់អារម្មណ៍ខ្លាំងមែនទែន ក្រោយពីបានបង្ហោះចូលក្នុងបណ្តាញសង្គមហ្វេសបុកមានអ្នកមើលលើសពី១លានដង។ វីដែអូនេះថតដោយអ្នកស្រី Krystal M. Berry នៅពេលដែលនាង និងមិត្តភក្តិរបស់នាងបានត្រលប់ពីតំបន់ La Chua Trail នៃឧទ្យាន Paynes Praire ក្នុងប្រទេសអាមេរិក។
បើយោងតាមវីដេអូយើងអាចឃើញថាមានសត្វសេះមួយវ៉ូង និងសត្វក្រពើមួយក្បាលកំពុងតែក្រាបនៅលើស្មៅ រំពេញនោះស្រាប់តែសេះមួយក្បាលបានរត់បោលទៅជាន់ពីលើក្រពើពីរដង លើកទីពីរស្ទើរតែក្រពើត្របាក់ជើងសត្វសេះនោះបាត់ទៅហើយដោយសារតែការមិនខ្លាចរបស់សត្វសេះ។ ចំណែកអ្នកដែលបានឃើញហេតុការណ៍ផ្ទាល់មានការភ័យខ្លាចចំពោះសត្វសេះយ៉ាងខ្លាំង ព្រោះពួកគេមិននឹកស្មានថាសត្វសេះនោះហ៊ានធ្វើបែបនេះ។
សូមទស្សនាវីដេអូសត្វសេះ និងសត្វក្រពើខាងក្រោមនេះ:
ប្រភព: ocala
