ខេត្តព្រះសីហនុ៖ មានហេតុការណ៍ភ្ញាក់ផ្អើលមួយបន្ទាប់ពីកម្មការិនីម្នាក់ត្រូវបានបងប្អូនសែងចេញពីរោងចក្រញូវ ស្ដារ ព្រោះថប់ដង្ហើមចង់បន្លប់ សុំសន្តិសុខ, តែសន្តិសុខថា មិនអោយចេញទេ ព្រោះមិនទាន់ដល់ម៉ោង មួយបន្ទុះក្រោយមកកម្មការិនីបានសន្លប់ទើបបងប្អូនធ្វើការសែងចេញដើម្បីរកពេទ្យ។
ហេតុការណ៍នេះបានកើតឡើងកាលពីវេលាម៉ោង ជាង០៤ល្ងាចថ្ងៃទី១២មេសា២០១៧មុននេះបន្តិច ស្ថិតនៅតាមបណ្ដោយផ្លូវជាតិលេខ៤ ក្រុមទី១៤ ភូមិ១ សង្កាត់លេខ១ ខេត្ត/ក្រុងព្រះសីហនុ។
យោងតាមសម្ដីរបស់សាច់ញាតិនារីរងគ្រោះបានឲ្យដឹងថា ពេលកំពុងតែធ្វើការ នារីរងគ្រោះបានត្អូញត្អែរថា «ខ្ញុំចេះតែថប់ដង្ហើម សន្លប់ឥឡូវហើយ» ពេលនោះសាច់ញាតិបាននាំនាងចេញបំណងយកទៅមន្ទីរពេទ្យ តែអកុសលត្រូវបានសន្តិសុខខាងរោងចក្រ(ញូវ ស្តារ) បដិសេធថាមិនទាន់ដល់ម៉ោងមិនអនុញ្ញាតឱ្យចេញនោះទេ ទើបបណ្ដាលឲ្យមានរឿងនេះកើតឡើងតែម្ដង៕
