មន្ទីរបញ្ចកោណរបស់អាមេរិក បានឲ្យដឹងថា យន្តហោះទម្លាក់គ្រាប់បែករបស់រុស្ស៊ីម៉ាក TU-៩៥ ចំនួន ២គ្រឿង បានហោះចូលដែនអាកាសក្នុងតំបន់ឆ្នេរសមុទ្រនៃរដ្ឋ Alaska ដែលត្រូវបានទប់ស្កាត់ដោយយន្តហោះចម្បាំងរបស់អាមេរិកសេរីទំនើបឈ្មោះ US F-២២។ នេះបើយោងតាមចុះផ្សាយរបស់ CNN។
មន្ត្រីយោធាអាមេរិកម្នាក់ បាននិយាយប្រាប់ថា "ប្រទេសមួយនេះកំពុងបញ្ចេញអំណាចរបស់ខ្លួន ដោយបញ្ជាយន្តហោះយោធាខ្នាតធំហោះចូល ១៦០គីឡូម៉ែត្រ ពីកោះ Kodiak ឆ្ពោះទៅតំបន់ការពារដែនអាកាស Alaskan ដោយមិនបានផ្ដល់ព័ត៌មានទុកជាមុន"។
គួរបញ្ជាក់ផងដែរថា ប្រធានាធិបតីលោក Donald Trump ថ្លែងក្នុងសន្និសីទកាសែតក្នុងសេតវិមានថា "ឥឡូវនេះយើងមិនអាចទទួលយកការរួមបញ្ចូលជាមួយនឹងរុស្ស៊ីបានឡើយ ពីព្រោះទំនាក់ទំនងរវាងប្រទេសទាំងពីរកាន់តែឃ្លាតឆ្ងាយ" ៕
