ប្រធានគណបក្សប្រឆាំងប្រទេសវេណេហ្ស៊ុយអេឡា លោក Henrique Capriles បានប្រាប់ឲ្យដឹងថា រូបលោកមិនអាចធ្វើដំណើរទៅជួបមន្ត្រីអង្គការសហប្រជាជាតិនៅទីក្រុងញូវយ៉ក ដោយសារតែមានការរឹបអូសយកលិខិតឆ្លងដែនរបស់ខ្លួន។ នេះបើយោងតាមគេហទំព័រព័ត៌មាន BBC បានចុះផ្សាយនៅថ្ងៃសុក្រ ទី១៩ ខែឧសភា ឆ្នាំ២០១៧។
លោក Capriles បាននិយាយបន្ថែមថា រូបលោកមិនអាចធ្វើដំណើរទៅចូលរួមកិច្ចប្រជុំជាមួយប្រធានផ្នែកសិទ្ធិមនុស្ស ដោយសារតែលិខិតឆ្លងដែនរបស់ខ្ញុំត្រូវបានដកហូតនៅប្រលានយន្តក្នុងស្រុក និងយកទៅបង្ខាំងទុករយះពេល៣ឆ្នាំ ចាប់តាំងពីឥឡូវនេះតទៅ។
គួររំលឹកផងដែរថា ការប្រឆាំងតវ៉ាជាមួយនឹងរដ្ឋាភិបាលលោក Nicolas Maduro ក្នុងរយះពេល៧សប្ដាហ៍ចុងក្រោយនេះ បានសម្លាប់ជនស៊ីវិលយ៉ាងតិច ៤៣នាក់ និងជាច្រើននាក់ផ្សេងទៀតទទួលរងរបួសយ៉ាងធ្ងន់ធ្ងរ៕
