សិល្បៈ ៖ បទចម្រៀងថ្មី Escapes ពេជ្រ សោភា ទោះជាមិនទាន់បានចេញជាផ្លូវការលើទីផ្សារ ប៉ុន្តែបទចម្រៀងចង្វាក់បែបអឺរ៉ុបមួយបទនេះទទួលបានការគាំទ្រខ្លាំងពីសំណាក់យុវវ័យ។ជាក់ស្ដែងការបង្ហាញ Show ក្នុងកម្មវិធីតន្ត្រីថ្មីៗ ពេជ្រ សោភា បានបង្ហាញក្បាច់រាំប្លែកៗ ដែលជាប្រឈមនឹងគ្រោះថ្នាក់ខ្លាំង បើសិនជាខុសបច្ចេកទេស។
ក្នុងវីដេអូនេះ ពេជ្រ សោភា ត្រូវបានអ្នករាំចាប់ចង្កេះលើកជើងឡើងលើសំយុងក្បាលចុះក្រោម និងមួយក្បាច់ទៀត អ្នករាំពីរនាក់កំពុងឱនហើយនាងលោតឡើងឈរលើខ្នងហើយក៏បានបញ្ចេញក្បាច់រាំបន្ត រួចក៏ទម្លាក់ខ្លួនទៅក្រោយឲ្យអ្នករាំផ្សេងទៀតរង់ចាំចាប់ទ្ររូបនាង។ ពីរក្បាច់នេះប្រសិនបើមានការឆកល្វែងត្រង់ណាបន្តិច គឺអាចប្រឈមនឹងគ្រោះថ្នាក់ធំតែម្ដង៕
