រាជធានីភ្នំពេញ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន បានធ្លាក់ខ្លួនឈឺហើយ បន្ទាប់លោកមានការហត់នឿយខ្លាំងពេក ក្នុងមួយរយៈពេលចុងក្រោយនេះ លើការបំពេញការងារជាថ្នាក់ដឹកកំពូលនៃប្រមុខរាជរដ្ឋាភិបាលកម្ពុជាដ៏ល្អ ដើម្បីបន្តធ្វើឲ្យកម្ពុជាមានការអភិវឌ្ឍឥតឈប់ឈរ។
យោងតាមសំណេរនៅលើហ្វេសប៊ុកផ្លូវការរបស់សម្តេចបានឲ្យដឹងថា នៅថ្ងៃទី០៤ ខែមេសា ឆ្នាំ២០១៧នេះ សម្តេចកំពុងស្ថិតនៅមន្ទីរពេទ្យប្រទេស សិង្ហបុរីនៅឡើយទេ ចាប់តាំងពីម៉ោង២ល្ងាចថ្ងៃទី៣ ខែឧសភា ម្សិលមិញម្ល៉េះ។ យ៉ាងណាមិញ បើគ្មានការប្រែប្រួលណាមួយទេ សម្តេចនឹងធ្វើមាតុភូមិនិវត្តន៍នៅថ្ងៃទី០៧ ខែឧសភា ដើមសប្តាហ៍ក្រោយនេះ។
សំណេរដើម៖ "ខ្ញុំសុំការយោគយល់ពីសំណាក់ មន្ត្រី រាជការ កងកម្លាំងប្រដាប់ អាវុធនៅខេត្តកំពង់ស្ពឺដែលខ្ញុំត្រូវ ជួបនៅព្រឹកនេះតែត្រូវអាក់ខាន។ សុំការយោគយល់ពីមិត្តភក្រ័ បរទេសពិសេសជប៉ុន ឥណ្ឌា បារាំងដែលកម្មវិធីគ្រោងទុក សំរាប់ការជួបត្រូវបានលប់ចោលទៅវិញ។
ដោយការហត់នឿយខ្លាំងពែកខ្ញុំ ធ្លាក់ខ្លួនមានជម្ងឺដែលចាំបាច់ត្រូវ មកពេទ្យបន្ទាន់ ដើម្បីពិនិត្យនិងព្យាបាល។ ខ្ញុំស្ថិតក្នុងមន្ទីរពេទ្យនៅសិង្ហបុរី តាំងពីម៉ោង២ល្ងាចថ្ងៃ៣ឧសភា និងអាចវិលត្រឡប់ទៅកម្ពុជាវិញ នៅថ្ងៃអាទិត្យ៧ឧសភា ដើម្បីបន្តរការងារជាធម្មតាឡើងវិញ។ សូមជូនពរបងប្អូនជនរួមជាតិជួប តែសេចក្តីសុខ"៕
