បុរសម្នាក់បានឡើងទៅលើដំបូលផ្ទះមួយខ្នងក្នុងទីក្រុង សាន់តាគ្រូស (Santa Cruz) ប្រទេស បូលីវី ហើយស្រែកឡូឡា និងមានបំណងលោតសម្លាប់ខ្លួនពីលើដំបូលផ្ទះនោះ ។
ប៉ូលិស បូលីវី បានឡើងទៅលើដំបូលផ្ទះដើម្បីនាំយកបុរសនោះឲ្យចុះមកវិញ ដោយបានចរចាគ្នារយៈពេល ៣០ នាទី ប៉ុន្តែបុរសដែលមានបំណងធ្វើអត្តឃាត មិនព្រមឲ្យប៉ូលិសទៅក្បែរខ្លួនឡើយ ។នៅពេលដែល ប៉ូលិស និងអ្នកជួយសង្គ្រោះទៅជិត បុរសនោះបានលោតក្បាលទៅមុន ទម្លាក់ពីលើផ្ទះភ្លាមៗនៅពេលបុគ្គលិកជួយសង្គ្រោះព្យាយាមដើរទៅក្បែរ ។
ទោះយ៉ាងណា ផ្ទះនោះមានកម្ពស់ត្រឹមតែមួយជាន់ប៉ុណ្ណោះ ធ្វើឲ្យអ្នកមានបំណងធ្វើអត្តឃាតមិនបានស្លាប់តាមបំណងឡើយ ដោយគ្រាន់តែរងរបួសធ្ងន់ និងត្រូវបានគេបញ្ជូនទៅកាន់មន្ទីរពេទ្យភ្លាមៗ ។ សារព័ត៌មាន បូលីវី ផ្សាយថា បុរសនោះអាយុ ២៩ ឆ្នាំ ជនជាតិ ប្រេស៊ីល ។
