ពាក្យសម្ដីប៉ុន្មានម៉ាត់ របស់លោកគ្រូពេទ្យ ដារ៉ា ធ្វើឲ្យលោក ផែង វណ្ណៈ លែងហ៊ានធ្វើការពិនិត្យសុខភាពនៅ មន្ទីរពេទ្យក្នុងស្រុក សុខចិត្តធ្វើការចំណាកស្រុក មកដល់ប្រទេសថៃ ដើម្បីពិនិត្យសុខភាព និងធ្វើការបង្ហោះជាសាធារណៈ នៅលើគណនីហ្វេសប៊ុករបស់លោក។
ខាងក្រោមនេះជាខ្លឹមសារទាំងស្រុងដែលមានដូច តទៅ៖
មិនអោយខ្ញុំចេញមកពិនិត្យសុខភាពនៅបាងកកយ៉ាងម៉េច បើលោកវេជ្ជបណ្ឌិត ដារ៉ា នៅពេទ្យរ៉ូស្ស៊ីនិយាយថា ប៉ះកង់ក៏គេយកលុយ ស៊ីគុយទាវក៏គេយកលុយ បើអត់លុយចង់អោយពេទ្យមើលយ៉ាងម៉េច ?
និយាយបានល្អណាស់លោកវេជ្ជបណ្ឌិត បើខ្ញុំជាមេលោកវិញលោកវេជ្ជបណ្ឌិតនិយាយរបៀបនេះ ខ្ញុំស៊ីញ៉េដកចោល ២៤ ម៉ោងបាត់ហើយ ព្រោះសំដីលោកធ្វើអោយពលរដ្ឋស្អប់ដល់ពេទ្យដែលល្អត្រឹមត្រូវទៀតផង ។
សូមកុំយកជីវិតមនុស្សទៅប្រៀបធៀបជាមួយការប៉ះកង់ ឬ កាស៊ីគុយទាវ ។ ប្រធានពេទ្យរ៉ូស្ស៊ីគួរហៅគាត់អប់រំ និងបង្រៀនក្រមសីលធម៌គ្រូពេទ្យដល់គាត់ផងកុំអោយនិយាយដូចក្មេងបៀមដៃ ។
