ក្រុមខ្លាំង Real Madrid កាន់តែមានឱកាសលើកពានលីគកំពូល ក្រោយបន្តយកឈ្នះ Celta Vigo ៤ទល់នឹង១ បន្ថែម៣ពិន្ទុទៀតឡើងឈរកំពូលតារាងក្នុងការប្រកួតគិតត្រឹមសប្ដាហ៍ទី៣៨នេះ។
៤គ្រាប់របស់ក្រុមភ្ញៀវ Real Madrid ធ្វើបានដោយតារាឆ្នើម CR7 ២គ្រាប់ម្នាក់ឯងក្នុងនាទីទី១០,៤៨, គ្រាប់ទី៣រកសម្រេចដោយ Karim Benzema ស៊ុតក្នុងនាទីទី៧០ ខណៈគ្រាប់ចុងក្រោយជាការរកបានដោយខ្សែបម្រើឆ្នើម Toni Kroos នៅនាទីទី៨៨។ ដោយឡែក១គ្រាប់សងរបស់ម្ចាស់ផ្ទះ Celta Vigo វិញជាការស៊ុតបញ្ចូលទីដោយកីឡាករ John Guidetti ក្នុងនាទីទី៦៩។
យ៉ាងណាមិញ បន្ទាប់ពីយក៣ពិន្ទុពី Celta Vigo រួចមក Real Madrid បានឡើងទៅឈរកំពូលតារាងមាន៩០ពិន្ទុ មានឱកាសខ្ពស់ក្នុងការឈ្នះជើងឯក ខណៈពួកគេនៅសល់មួយប្រកួតទៀតក្នុងដៃត្រូវប៉ះ Malaga ថ្ងៃទី២២សប្ដាហ៍ក្រោយ៕
