ប្រធានាធិបតីឥណ្ឌូណេស៊ី លោក Joko Widodo បានផ្ដល់អំណាចកាន់តែធំទៅឲ្យយោធាឥណ្ឌូណេស៊ី (TNI) លើការប្រយុទ្ធប្រឆាំងទៅនឹងអំពើភេរវកម្មក្នុងប្រទេសទាំងមូល។ នេះបើយោងតាមសារព័ត៌មាន channelnewsasia បានចុះផ្សាយនាព្រឹកថ្ងៃទី៣០ ខែឧសភា ឆ្នាំ២០១៧។
លោកបាននិយាយក្នុងកិច្ចប្រជុំគណៈរដ្ឋមន្ត្រី នៅវិមានប្រធានាធិបតីនៃទីក្រុងបូហ្គ័រថា រូបលោកបានផ្ដល់ហេតុផលសមរម្យមួយដល់ក្រសួងធ្វើផែនការ និងសម្របសម្រួលគោលនយោបាយ ក្នុងការត្រៀមរៀបចំសម្រាប់ប្រយុទ្ធប្រឆាំងទៅនឹងអំពើភេរវកម្មណាមួយ របស់ក្រុមឧទ្ទាម (IS)។
គួរបញ្ជាក់ផងដែរថា នៅសប្ដាហ៍មុន មានការបំផ្ទុះគ្រាប់បែកនៅស្ថានីយរថយន្តក្រុងមួយកន្លែង ដែលបណ្ដាលឲ្យប៉ូលិសនឹងជនស៊ីវិលស្លាប់ និងរងរបួសជាច្រើននាក់នៅក្នុងហេតុការណ៍នោះផងដែរ។ លោកបានសង្កត់ធ្ងន់ទៅលើការលុបបំបាត់ទីកន្លែងរបស់ក្រុមឧទ្ទាម (IS) និងមិនឲ្យមានភេរវកម្មកើតឡើងនៅក្នុងប្រទេសឥណ្ឌូណេស៊ីទៀតទេ៕
@Amapapa.News