ឧបទ្ទវហេតុផ្ទុះហ្គាស នៅអណ្ដូងរ៉ែមួយកន្លែង ក្នុងខេត្ត Hunan ស្ថិតនៅភាគកណ្ដាល នៃប្រទេសចិន បានឆក់យកជីវិតមនុស្សចំនួន ១៨នាក់ភ្លាមៗ។ នេះបើយោងតាមការចុះផ្សាយរបស់សារព័ត៌មានចិន ស៊ិន ហូរ នៅមុននេះបន្តិច។
អាជ្ញាធរបានបញ្ជាក់ថា នៅវេលាម៉ោងប្រមាណជា ១១ព្រឹក (ម៉ោងក្នុងតំបន់) កាលពីថ្ងៃអាទិត្យម្សិលមិញ មានករណីបែកធ្លាយហ្គាសនៅក្នុងអណ្ដូងរ៉ែ តំបន់ Youxian ប្រទេសចិន បង្កឲ្យផ្ទុះឆេះឡើងយ៉ាងសន្ធោសន្ធៅ បណ្ដាលឲ្យកម្មករចំនួន ១៨នាក់បានស្លាប់ និង៣៧នាក់ផ្សេងទៀតរងរបួស។
ក្នុងករណីខាងលើនេះដែរ ក្រុមប៉ូលិសចិនបានឃាត់ខ្លួន អ្នកទទួលខុសត្រូវ នៅក្នុងអណ្ដូងរ៉ែនោះ ហើយអ្នកស៊ើបអង្កេតកំពុងតែធ្វើតេស្តរកសារធាតុពុលមួយចំនួនដែលភាយចេញពីការផ្ទុះហ្គាសផងក៏ដូចជាមូលហេតុដែលបណ្ដាលឲ្យផ្ទុះផងដែរ៕
