អតីតអ្នកចាំទីក្លឹបបិសាចក្រហម Edwin van der Sar ចង់ឲ្យអតីតក្លឹបរបស់ខ្លួនចាញ់ Ajax នៅវគ្គផ្ដាច់ព្រ័ត្រពាន Europa League ខណៈការប្រកួតនឹងចាប់ផ្ដើមនៅម៉ោង១ និង៤៥នាទីយប់នេះ។
មូលហេតុអ្វីបានជាវរបុរសបិសាចក្រហមរូបនេះចង់ឲ្យ Man Utd ចាញ់ទៅវិញ? នោះគឺថា ដោយសារតែគាត់នៅមានការស្មោះស្ម័គ្រជាមួយក្លឹប Ajax ទោះបីធ្លាប់ឈ្នះពានជាមួយក្លឹបមានកីឡដ្ឋានឈ្មោះ Old Trafford ច្រើនក៏ដោយ។ អ្នកចាំទីរូបនេះចំណាយពេល៩ឆ្នាំចាប់អាជីពលេងនៅក្លឹបយក្សហុល្លង់ ដែលជាកន្លែងគាត់ធ្លាប់ឈ្នះ Champions League ម្ដង និងពាន Eredivisie បួនដងហើយពេលនេះគាត់គឺជា CEO របស់ Ajaxទៀតផង។
អតីតកីឡាករបាននិយាយក្នុង BBC ថា៖" ក្លឹបពីរស្ថិតក្នុងបេះដូងខ្ញុំរហូតគឺ Ajax ទីមួយ ហើយទី២គឺManchester United។" ខ្ញុំមិនគាំទ្រក្លឹបម្ដងទាំងពីរនោះទេ ហើយខ្ញុំមានទំនួលខុសត្រូវជាមួយ Ajax ហើយនៅយប់ថ្ងៃពុធនេះ Ajax គឺជាក្លឹបតែមួយគាត់ដែលខ្ញុំគាំទ្រ"។
អំឡុងពេលវេលាលេងនៅ Man Utd គាត់បានបង្ហាញខ្លួន៣ដងក្នុងវគ្គផ្ដាច់ព្រ័ត្រ Champions League គឺឈ្នះជើងឯកឆ្នាំ ២០០៨ និងចាញ់ Barcelona ឆ្នាំ ២០០៩ និង ២០១១។ ឆ្នាំ២០១១គឺជាឆ្នាំចុងក្រោយរបស់គាត់នៅ Man Utd ដែលលេងក្នុងពានលំដាប់អឺរ៉ុបវគ្គផ្ដាច់ព្រ័ត្រ ហើយអ្នកចាំទីសញ្ជាតហុល្លង់គិតថា គាត់គួរតែកគាំទ្រក្លឹបពីមុនរបស់គាត់វិញ។
“ គិតមកដល់ឥឡូវវាចាប់តាំងពី៦ឆ្នាំមុនដែលពួកគេ (Man Utd) លេងពានទ្វីបអឺរ៉ុបចុងក្រោយ។ ពួកគេត្រូវការឈ្នះ ទោះបីជាមានការពិបាកដើម្បីបន្តដំណើរទៅកាន់ជំហានបន្ទាប់ក៏ដោយ"៕