ជនស៊ីវិលចំនួនជិត ១០០នាក់ ក្នុងចំណោមមនុស្សជាង ២ម៉ឺននាក់ បានស្លាប់នឹងរងរបួស ក្នុងការបំផ្ទុះគ្រាប់បែកអត្តឃាតមួយ នៅក្នុងការប្រគំតន្ត្រី Manchester Arena ដែលស្ថិតនៅភាគពាយ័ព្យប្រទេសអង់គ្លេស កាលពីម៉ោងជាង ១០យប់ថ្ងៃច័ន្ទ ទី២២ ឆ្នាំ២០១៧។
សកម្មជនក្រុមភេរវកម្ម ISIS ម្នាក់បានបំផ្ទុះគ្រាប់បែកអត្តឃាត ក្នុងការប្រគំតន្ត្រី Manchester Arena ស្ថិតនៅភាគពាយ័ព្យប្រទេសអង់គ្លេស ដែលបានសម្លាប់ជនស៊ីវិលចំនួន ២២នាក់ និងរងរបួស ៥៩នាក់ នៅថ្ងៃចន្ទសប្ដាហ៍នេះ ។ យោងតាមសារព័ត៌មាន BBC បានចុះនាព្រឹកថ្ងៃពុធ ទី២៤ ខែឧសភា។
យោងតាមប៉ូលិសអង់គ្លេស បានឲ្យដឹងថា ជនសង្ស័យមានឈ្មោះ Salman Abedi កើតនៅឆ្នាំ១៩៩៤ ក្នុងទីក្រុង Manchester គឺជាកូនទីពីរក្នុងចំណោមកូន ០៤នាក់ ហើយមានម្ដាយឪពុកជាជនភៀសខ្លួនលីប៊ី។
តាមរយៈប្រព័ន្ធផ្សព្វផ្សាយក្រុម ISIS ឈ្មោះ Amaq បានឲ្យដឹងថា ជុំវិញអំពើភេរវកម្មបំផ្ទុះគ្រាប់បែកអត្តឃាតខាងលើនេះ គឺជាការព្រមាននឹងបន្ដការវាយប្រហារភេរវកម្មនៅតំបន់អឺរ៉ុបថែមទៀត។
