ប្រភពផេកហ្វេសបុករបស់ Fujieda MYFC ជាភាសាខ្មែរបានផុសកាលពីប៉ុន្មាននាទីមុននេះថា ក្លឹបលេងនៅលីកទីបីជប៉ុនមួយនេះ បានប្រកួតឈ្នះក្រុម Yamanashi Gakuen Universityក្នុងលទ្ធផល៣ទល់០។
ក្នុងចំណោម៣គ្រាប់នេះក៏មានការទាត់បញ្ចូលទី ពីកីឡាករជម្រើសជាតិកម្ពុជា ចាន់ វឌ្ឍនាកា ផងដែរ។ តែយ៉ាងណាក្ដី ក្នុងការផុសមិនបានបញ្ជាក់ថាលេងមិត្តភាព ឬការប្រកួតក្នុងពានរង្វាន់អ្វីនោះទេ។
ដោយឡែកកីឡាករវ័យ២៣ឆ្នាំ ក៏មានឈ្មោះក្នុងក្រុមកីឡាករជម្រើសជាតិកម្ពុជាទាំង២៥នាក់សម្រាប់ត្រៀមប្រកួតក្នុងលក្ខណៈមិត្តភាពជាមួយឥណ្ឌូណេស៊ី និងជម្រុះពាន AFC Asain Cup2019 ជាមួយអាហ្វហ្គានីស្ថានផងដែរ។