អតីតទាហានជើងទឹកអាមេរិកមួយរូប ត្រូវបានជាប់ទោសពីបទ បើករថយន្តក្នុងល្បឿនលឿនសំដៅទៅរកហ្វូងមនុស្ស នៅក្នុងទីក្រុង New York កាលពីថ្ងៃព្រហស្បតិ៍ម្សិលមិញ បណ្ដាលឲ្យស្ត្រីវ័យក្មេងម្នាក់បានស្លាប់ និង ២២ផ្សេងទៀតរងរបួស។ នេះបើយោងតាមការចុះផ្សាយដោយ Channel News Asia នាព្រឹកថ្ងៃសុក្រ ទី១៩ ខែឧសភា ឆ្នាំ២០១៧។
ប៉ូលិសបានឲ្យដឹងថា ទីកន្លែងដែលកើតហេតុខាងលើនេះ កាលពីឆ្នាំ២០១០ ពួកភេរវករប្រុងវាយប្រហារបំផ្ទុះគ្រាប់បែកម្ដងរួចមកហើយ ប៉ុន្តែត្រូវបានបរាជ័យទៅវិញ ខណៈដែលកងកម្លាំងសន្តិសុខយាមល្បាត និងតាមដានសកម្មភាពពួកគេគ្រប់ទីកន្លែង។
គួរបញ្ជាក់ផងដែរថា សាក្សីនៅកន្លែងមនុស្សស្លាប់ និងរបួស បានឲ្យដឹងថា ករណីខាងលើនេះ គឺជាអំពើភេរវកម្ម។ យ៉ាងណាមិញពុំទាន់មានប្រភពច្បាស់លាស់ណាមួយ ដែលអះអាងថា ជាទង្វើរបស់ក្រុមសកម្មប្រយុទ្ធ ISIS ឬក្រុមផ្សេងទៀតនៅឡើយទេ៕