តុលាការប្រទេសឈីលី បានសម្រេចចិត្តដាក់ពន្ធនាគារអតីតមន្ត្រីស៊ើបការណ៍សំងាត់របស់ខ្លួន ចំនួន ១០៦នាក់ ខណៈដែលរកឃើញថា ពួកគេបានចាប់ជំរិត និងសម្លាប់សកម្មជនឆ្វេងនិយម ជាច្រើននាក់ ក្នុងឆ្នាំ១៩៧៤ និង១៩៧៦។ នេះបើយោងតាមការចុះផ្សាយរបស់សារព័ត៌មាន BBCនៅថ្ងៃសៅរ៍ ទី០៣ ខែមិថុនា ឆ្នាំ២០១៧។
ចៅក្រមលោក Hernan Cristoso បញ្ជាក់ថា អតីតមន្ត្រីស៊ើបការណ៍សំងាត់ចំនួន ១០៦នាក់ខាងលើ ត្រូវបានកាត់ទោសឲ្យជាប់ពន្ធនាគារជាច្រើនឆ្នាំ និងមួយចំនួនទៀតបញ្ជូនទៅកាន់មណ្ឌលអប់រំ នៅក្នុងទីក្រុង Santiago ។
គួររម្លឹកផងដែរថា ក្នុងឆ្នាំ ១៩៧៣ដល់ ១៩៩០ មន្ត្រីជាប់ទោសទាំងនោះ ត្រូវបានតុលាការរកឃើញថា ពួកគេបានធ្វើសកម្មភាពចាប់ជំរិត និងសម្លាប់សកម្មជនឆ្វេងនិយមជាច្រើននាក់ ដោយអះអាងថា ចំនួនមនុស្សស្លាប់ និងបាត់ខ្លួនមានរហូតដល់ទៅ ៣ពាន់នាក់៕