យោងតាមទីភ្នាក់ងារសារព័ត៌មានកូរ៉េខាងត្បូងចុះផ្សាយដោយ សារពត័មាន Express បានឲ្យដឹងថា មេដឹកនាំកូរ៉េខាងជើង លោកគីម យុងអ៊ុន កំពុងមានការព្រួយបារម្ភ និងភ័យខ្លាច ចំពោះឃាតកម្មនយោបាយរបស់សហរដ្ឋអាមេរិក ក្នុងការប៉ុនប៉ងវាយប្រហារសម្ងាត់មួយ ដែលអាចនឹងលុបបំបាត់សក្ដានុពលរបស់ខ្លួន។
សេវាកម្មស៊ើបការណ៍សម្ងាត់ជាតិ (NIS) បានឲ្យដឹងថា អាមេរិក និងកូរ៉េខាងត្បូងកំពុងព្យាយាមបង្កើតក្រុមកងកម្លាំងពិសេស ក្នុងគោលបំណងបញ្ជូនទៅវាយប្រហារមេដឹកនាំ ទីក្រុងព្យុងយ៉ាង។ ទន្ទឹមគ្នានេះដែរ សមាជិកសភាជាតិទីក្រុងសេអ៊ូល លោក Lee Cheol–woo ជឿជាក់ថា ការកាន់អំណាចផ្ដាច់ការរបស់រដ្ឋាភិបាលទីក្រុងព្យុងយ៉ាង គឺជាទង្វើដ៏ព្រួយបារម្ភបំផុត ដែលជំរុញឲ្យមេបញ្ជាការយោធារបស់ខ្លួនមានឥទ្ធិពលយ៉ាងខ្លាំងនៅតាមព្រំដែន។
លោកនិយាយថា "គីម យុងអ៊ុន ជឿស្លុង ចំពោះព័ត៌មានទាំងឡាយ អំពីប្រតិបត្តិការយោធា ដែលរាយការណ៍ពីមនុស្សក្រោមបង្គាប់របស់លោក ជាហេតុនាំឲ្យមានការចោទប្រកាន់ថា អាមេរិក ឬកូរ៉េខាងត្បូង ជាអ្នកធ្វើសកម្មភាពអ្នកបង្ករឿងមុន”។
ជាចុងក្រោយ NIS បានសង្កត់ធ្ងន់ថា "កូរ៉េខាងជើងមានតំបន់ពិសេសមួយ ដែលអាចផ្គត់ផ្គង់ប្រេងបានដោយខ្លួនឯង និងថែមទាំងធញវការនាំចេញទៅកន្លែងសំខាន់ៗទៀតផង ជាហេតុនាំប្រទេសមួយនេះមានស្ថានភាពសេដ្ឋកិច្ច ទោះបីជាទទួលរងការដាក់ទណ្ឌកម្មពីសំណាក់ប្រទេសមួយចំនួន និង UN ក៏ដោយ"។ យ៉ាងណាមិញរដ្ឋាភិបាលអាមេរិកបានរំពឹងថា ការអភិវឌ្ឍន៍កម្មវិធីនុយក្លេអ៊ែរ ទៅលើមីស៊ីលអន្តរទ្វីប (ICBM) របស់ទីក្រុងព្យុងយ៉ាង កំពុងស្ថិតក្នុងជំហានទី១ នៅឡើយ។
គួរបញ្ជក់ផងដែរថា តម្លៃប្រេងកូរ៉េខាងជើងបានកើនឡើងយ៉ាងខ្លាំង ខណៈមានតម្រូវការកាន់តែច្រើនពីប្រទេសជិតខាង ដោយលក់ក្នុងមួយគីឡូក្រាម មានតម្លៃ ៦ពាន់វុន ស្មើនឹង ៤.១៦ផោន ក្នុងខែឧសភាកន្លងមកនេះ តម្លៃប្រេងឡើងរហូតដល់ ១៣.៣៨ផោន ហើយក្នុងខែមិថុនានេះនៅចុះសល់ត្រឹមតែ ១០.៤១ផោនប៉ុណ្ណោះ៕
