រាជធានីភ្នំពេញ៖ រាជរដ្ឋាភិបាលកម្ពុជា បានចេញលិខិតមួយនៅថ្ងៃទី១៤ ខែមិថុនា ឆ្នាំ២០១៧នេះ ផ្ញើជូននាយឧត្ដមសេនីយ៍អគ្គស្នងការនគរបាលជាតិនិង នាយឧត្តមសេនីយ៍អគ្គនាយកដ្ឋានអន្តោប្រវេសន៍ ដែលមានអត្ថន័យទំនងជាចង់បើកភ្លើងខៀវឲ្យ អតីតមេបក្សសង្គ្រោះជាតិ លោក សម រង្ស៊ី កំពុងរស់នៅឯបរទេស អាចវិលចូលស្រុកវិញ។
តាមលិខិតខាងលើលេខ ៤៦៩ សជណ ដែលចុះហត្ថលេខាដោយ លោក តឹករ៉េត សំរេច រដ្ឋលេខាធិការ ទីស្តីការគណៈរដ្ឋមន្ត្រីនេះ មានខ្លឹមសារលុបចោលនូវលិខិត លេខ ១៥១របក ចុះថ្ងៃទី ១២ ខែតុលា ឆ្នាំ២០១៦ របស់ទីស្តីការគណៈរដ្ឋមន្ត្រី ស្តីពីការទប់ស្កាត់បុគ្គល សម រង្ស៊ី ប្រធានប្រឆាំងធំជាងគេនៅកម្ពុជា កុំឲ្យវិលមកកម្ពុជាវិញបាន។ សម្រាប់ព័ត៌មានលម្អិត សូមអានលិខិតខាងក្រោមនេះ៖
