សិល្បៈ ៖ ខណៈដែរក្រុមបុគ្គលិកស្ថានីយទូរទស្សន៍ CTN មានភាពក្ដុកក្ដួលយ៉ាងខ្លាំងចំពោះការបាត់បង់លោក អ៊ិត សេដ្ឋា ដែលជាក្រុមការងារ មិត្តភ័ក្ដិ រៀមច្បង ពោរពេញដោយសមត្ថភាពនោះ ពេលនេះលោក តាវិទ័រ អ្នកគ្រប់គ្រងការផលិតកម្មវិធីក៏បានចេញសារសន្ទនាជាមួយលោក អ៊ិត សេដ្ឋា មុនពេលពិធីកររូបនេះផុតដង្ហើម ដាក់នៅលើហ្វេសប៊ុករបស់ខ្លួន ស្ដាប់ហើយរំជួលចិត្តសឹងតែទប់ទឹកភ្នែកមិនជាប់។
នេះគឺជាសាររបស់លោកតា វិទ័រ ដែលដកស្រង់ផ្ទាល់ "ខ្ញុំស្រណោះណាស់បងប្អូនអើយ៣សន្លឹកនេះ...
បងសេដ្ឋា៖ អង្គុយលេងទរ័ ! អូន!
ខ្ញុំ៖ បាទបង! ខ្ញុំនិងបងវុឌ្ឍីមកនាំបងទៅព្យាបាលបងនឹងជាសះស្បើយ។
សេដ្ឋា៖ អឹ.. (រូបសន្លឹកទី១គាត់ញញឹម)
ខ្ញុំ៖ បងនេះសាររបស់ថ្នាក់ដឹកនាំ គាត់ជំរុញអោយបងទៅព្យាបាល។
បងសេដ្ឋា៖ អឹ...
ខ្ញុំ៖ បន្តិចទៀត យើងនឹងនាំបងទៅមន្ទីរពេទ្យហើយ បងមិនកណ្ដោចកណ្ដែងទេ។បងកុំបារម្ភ ពីរឿងអីៗអោយសោះ។
បងសេដ្ឋា៖ បងអរគុណទរ័ បងសុំគេងសិន! ៕
