កាតា បច្ចុប្បន្នមិនត្រឹមតែត្រូវបានប្រទេសជិតរបស់ខ្លួនកាត់ផ្ដាច់ការទូតប៉ុណ្ណោះទេ បើតាមការចុះផ្សាយពីសារព័ត៌មាននានាបានឲ្យដឹងថា ស្ថានភាពទាំងមូលនៅក្នុងរបស់ប្រទេសដ៏តូចមួយនេះ កំពុងច្របូកច្របល់យ៉ាងខ្លាំង ខណៈដែលឧបទ្វីបអារ៉ាប់សម្រេចបិទព្រំដែនចេញចូល ចរាចរណ៍ផ្លូវគោល ទឹក និង អាកាស មិនឲ្យមានការនាំចូលម្ហូបអាហារ និងថែមទាំងបញ្ជាឲ្យប្រជាជន កាតាទាំងអស់ឲ្យធ្វើមាតុភូមិនិវត្តន៍ទៀតផង។
ស្របគ្នានេះដែរ រដ្ឋាភិបាល អារ៉ាប៊ីសាអូឌីត បានបញ្ជាឲ្យឃាត់រថយន្តដឹកអាហាររាប់ពាន់គ្រឿង នៅព្រំដែន ចំពេលដែលធ្វើដំណើរឆ្ពោះទៅកាន់ កាតា ដោយទីក្រុងរីយ៉ាដអះអាងថា នេះជាការឆ្លើយតបមួយចំពោះរដ្ឋាភិបាលកាតា ដែលគាំទ្រសកម្មភាពភេរវកម្ម។
គួរបញ្ជាក់ផងដែរថា ការដាក់ទណ្ឌកម្មខាងលើនេះ បានបង្កឲ្យមានវិបត្តិយ៉ាងធ្ងន់ធ្ងរសម្រាប់ប្រជាជន ចំណែកឯរដ្ឋាភិបាលទីក្រុង ដូហា ពុំទាន់បង្ហាញសញ្ញាណាមួយចេញ ដើម្បីទទួលខុសត្រូវលើបញ្ហានេះនៅឡើង ក្រៅពីបដិសេធចំពោះការចោទប្រកាន់៕