សិល្បៈ ៖ តារាចម្រៀងកញ្ញា អេនីហ្សាម ចាប់ផ្ដើមឡើងគីឡូមានរយៈពេលជាងពីរឆ្នាំមកហើយ ស្របគ្នានោះកញ្ញាក៏ព្យាយាមតមអាហារ និងហាត់ប្រាណផងដែរ ប៉ុន្តែលទ្ធផលហាក់មិនគាប់តាមបំណងឡើយ។ ជាក់ស្ដែងពេលនេះកញ្ញាបានប្រាប់ថា នាងឡើងជញ្ជីងស្ទើររាល់ថ្ងៃថ្លឹងគីឡូ តែទោះជានាងខិតខំសម្រកយ៉ាងណាក៏ទម្ងន់មិនស្រកឡើយ គឺនៅតែ៥៥គីឡូដដែល។
នេះជារូបភាពអ្នកសិល្បៈទីមួយហើយដែលបានអង្គុយលើជញ្ជីងថ្លឹងគីឡូ យកមកបង្ហើយនៅលើហ្វេសប៊ុករបស់ខ្លួនបង្ហាញជាសាធារណៈ ដែលធ្វើឲ្យអ្នកគាំទ្រជាច្រើនសម្ដែងការហួសចិត្តលើរូបភាពរបស់នាងបង្ហោះ។ តាមរយៈ
រូបភាពនេះ អេនីហ្សាម មានទម្ងន់៥៥គីឡូ ដែលជាទម្ងន់ថេរមានរយៈពេលប្រមាណជាពីរឆ្នាំមកហើយ ។
អេនីហ្សាម ប្រាប់ថា ព្រោះតែឡើងទម្ងន់មិនស្រុកចុះនេះហើយទើបធ្វើឲ្យនាងមិនសូវចង់បង្ហាញវត្តមានលើឆាកសិល្បៈទេ ព្រោះធាតុពេកបាត់រាងអស់ហើយ រហូតមានអ្នកខ្លះនិយាយថា នាងធាត់ដូចជ្រូកក៏មាន។ កញ្ញាបន្តថា បញ្ហានេះនាងបានព្យាយាមតមអាហារ និងខិតខំហាត់ប្រាណដែរ តែគីឡូនៅតែមិនស្រកគឺ៥៥នៅតែ៥៥ មិនលើសមិនខ្លះបន្តិចឡើយ។
អេនីហ្សាម បន្តថា ក្រៅពីហាត់ប្រាណ តមអាហារ នាងក៏បានប្រើប្រាស់ផលិតផលសម្រកទម្ងន់មួយចំនួនផងដែរ ប៉ុន្តែនៅតែមិនមានលទ្ធផល ដូច្នេះហើយបើបងប្អូនមានរូបមន្តសម្រកទម្ងន់មានប្រសិទ្ធភាពសូមជួយប្រាប់នាងផង៕
