ប៉ូលិសបានចាប់ខ្លួនជនសង្ស័យចំនួន ១២នាក់ និងរកឃើញឃាតក ២នាក់ទៀត ជាអ្នកចូលរួមធ្វើសកម្មភាព ប្រហារភេរវកម្មនៅលើស្ពានទីក្រុងឡុងដ៍ កាលពីយប់ថ្ងៃសៅរ៍ សប្ដាហ៍មុន ដែលបង្កឲ្យមនុស្សស្លាប់ ៧នាក់ និង ៤៨នាក់រងរបួស។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី ០៦ខែមិថុនា ឆ្នាំ២០១៧។
ជំនួយការស្នងការនគរបាលលោក Mark Rowley បានឲ្យដឹងថា ភេរវករចំនួន ៣រូប ក្នុងនោះចាប់ខ្លួនបាន ២នាក់ បុរសទីមួយជនជាតិអង់គ្លេស កើតនៅក្នុងប្រទេស ប៉ាគីស្ថាន ឈ្មោះ Khuram Butt អាយុ ២៧ឆ្នាំ និងទីពីរឈ្មោះ Rachid Redouane អាយុ ៣០ឆ្នាំ ជនជាតិម៉ារ៉ុក-លីប៊ី។
គួរបញ្ជាក់ផងដែរថា បើតាមសេចក្ដីរាយការណ៍ពីមន្ទីរសុខាភិបាល NHS England ជនរងគ្រោះចំនួន ៣៦នាក់កំពុងទទួលការព្យាបាលនៅឡើយ ខណៈដែល ១៨នាក់ផ្សេងទៀតស្ថិតក្នុងអាការៈធ្ងន់ធ្ងរ៕
