ប្រទេសវៀតណាម: ជារឿងដ៏ព្រៃផ្សៃមួយ ដែលចោរពីរនាក់ បានព្យាយាមចាប់ឆក់សម្លាប់ឆ្កែបីក្បាល យកទៅធ្វើស៊ី ។ ករណីនេះបានកើតទ្បើង កាលពីម្សិលមិញ វេលាម៉ោងប្រហែល៥ព្រឹក នៅក្នុងលំនៅមួយកន្លែងក្នុងទីក្រុង ហូជីមិញ ប្រទេសរៀតណាម ដែលសកម្មភាពចោរពីរនាក់ដែលពាក់របាំងម៉ាស់ ដែលប្រដាប់ដោយដំបងឆក់បានព្យយាម ចាប់ទាញឆក់ឆ្កែបីក្បាលពីក្នុងរបងផ្ទះ ។
នៅក្នុងវីដេអូ ដែលថតបានដោយកាមេរ៉ាសុវត្ថិភាព យើងឃើញថា ឆ្កែទីមួយ និង ឆ្កែទីបី ត្រូវចោរម្នាក់ចាប់ទាញឆក់នឹងដំបងអគី្គសនីតែម្តង ។ ចំនែកឯឆ្កែទីពីរវិញ ត្រូវចោរម្នាក់នោះបាញ់ដោយកាំភ្លើងឆក់ម្យ៉ាង ស្រដៀងទៅនឹងឆ្កែទាំងពីរនោះដែរ ។
ដោយលឺសំលេងបែបនេះ ម្ចាស់ផ្ទះ ក៏បានចេញមកក្រៅ ហើយឃើញសកម្មភាពរបស់ចោរកំពុងចាប់ឆ្កែរបស់ខ្លួន ។ ម្ចាស់ផ្ទះក៏ព្យាយាមចង់ជួយដែរ តែបានត្រឹមឈរមើល ព្រោះខ្លាចចោរទាំងនោះចាប់ឆក់ដែរ ។
ទស្សនា វីដេអូខាងក្រោមទាំងអស់គ្នា :
Source: dailymail
