ក្រុមហង្សក្រហម Liverpool បានទទួលជោគជ័យក្នុងចុះកុងត្រាយកខ្សែប្រយុទ្ធកំពូលល្បឿន សញ្ជាតិអេហ្សីប Mohamed Sala hពីក្លឹប Roma ក្នុងតម្លៃបំបែកឯកត្តកម្មរបស់ក្លឹប៣៩លានផោន(ប្រាក់ប្រចាំសប្ដាហ៍៩សែនផោនក្នុងមួយអាទិត្យ)ហើយសុពលភាពកុងត្រារយៈពេល៥ឆ្នាំ។
ខ្សែបម្រើរូបនេះនឹងពាក់អាវលេខ១១ ដោយខ្សែប្រយុទ្ធជម្រើសជាតិប្រេស៊ីល Roberto Firmino ប្ដូរមកពាក់អាវលេខ៩របស់ក្លឹបវិញ។ Mohamed Salahចាប់អាជីពដំបូងនៅក្លឹប El Mokawloon ក្នុងស្រុកកំណើតឆ្នាំ ២០១០ ដល់២០១៣ហើយបន្តរហូតក្លឹប Basel, Chelsea, ខ្ចីជើងទៅលេងនៅ Fiorentina, Roma ហើយឆ្នាំ២០១៧នេះក៏ប្ដូរមកលេងនៅ Liverpool តែម្ដង។
លេងឲ្យក្លឹប Roma របស់អ៊ីតាលីរដូវកាលមុនរូបគេទាត់បញ្ចូលទីបាន១៥គ្រាប់ ក្នុងបង្ហាញខ្លួន៣១ប្រកួតចំណែកក្នុងជម្រើសជាតិអេហ្សីបវិញបាន២៩គ្រាប់ក្នុង៥៣ប្រកួត៕
