ពាក្យចាស់ តែងតែពោលថា ៖
-
ព្យាយាមគង់បានសម្រេច។
-
នឿយមុនស្រណុកក្រោយ។
-
តក់ៗពេញបំពង់។
ពាក្យទាំងនេះ យើងឃើញថាមានការនិយមប្រើប្រាស់ច្រើន និងទទួលបានជោគជ័យច្រើនផងដែរ តែក៍មានអ្នកមិនទទួលបានជោគជ័យដែរ ដោយសារតែការព្យាយាមនោះមិនដល់គោលដៅ ហើយបោះបង់ចោល។
ដើម្បីជាកម្លាំងចិត្តក្នុងការជម្រុញឲ្យមានការខិតខំ និងព្យាយាមបន្តទៀត យើងខ្ញុំសូមលើកយកបទពិសោធរបស់តារាហ្វេសប៊ុក លោក Peypey Dy មកចែករំលែកជូនបងប្អូន ទាំងអស់គ្នា ដែលលោក ទើបតែសម្រេចបំណងដែលប៉ងទុកមកជាយូរមកហើយនោះ គឺទិញរថយន្តទំនើបក្នុងក្តីស្រមៃមួយ ដែលមិត្តមួយចំនួនគិតថាខ្លួនធ្វើមិនបានខណៈពេលនោះ លោកនៅជិះរថយន្តត្រឹមម៉ាក Morning ។
ខាងក្រោមនេះជាសារដែលលោកបានលើកឡើង៖
កាដូរសម្រាប់ខ្លួនឯងមុនថ្ងៃកំណេីត ❤
ចាំបានថា កាលខ្ញុំមិនទាន់មានបាន ជិះត្រឹមmorning ហេីយកាលនោះមានទស្សនាវដ្ងីរថយន្តបាន សួរខ្ញុំថា ឡានក្នុងក្តីស្រម៉ៃខ្ញុំគឺជាឡានអ្វី? ខ្ញុំប្រាប់ថា គឺAudi Q7
បន្ទាប់ពីទស្សនាវដ្តីនោះចេញផ្សាយ ពួកម៉ាកនៅវិទ្យាល័យក៏សួរខ្ញុំថា "ហែងស្រលាញ់Audi? តែលូវហែងជិះmorningហ្នឹង?" រួចហេីយគេសេីច 😔
តែថ្ងៃនេះខ្ញុំសម្រេចបំណងបានហេីយ 😊
តស៊ូគង់បានសម្រេច
