ក្រុមយុវជន Real Madrid ចំនួន៤នាក់ដែលទើបតែជួយក្រុមយុវជនក្រោមការដឹកនាំរបស់ Guti លើកពានបីថ្មីៗដំឡើងមកឈុតធំត្រៀម ធ្វើដំណើរទៅអាមេរិកត្រៀមប្រកួតមិត្តភាពសាកសមត្ថភាព Pre-Season ។
កីឡាករទាំងអស់ត្រូវបានប្រកាសកាលពីថ្ងៃច័ន្ទម្សិលមិញក្នុងទីលានហ្វឹកហាត់ Valdebebas ហើយពួកគេនឹងជាផ្នែកមួយរបស់ក្រុមឈុតធំសម្រាប់ពានរង្វាន់ International Champions Cup នៅអាមេរិក។ កីឡាករទាំងបួនរូបនោះគឺ Manu Hernando, Franchu, Oscar Rodriguez និង Dani Gomez។
១- Oscar Rodriguez (១៨ឆ្នាំ)
បច្ចុប្បន្នរូបគេគឺជាគ្រាប់ពេជ្ររបស់ Real Madrid Juvenil ហើយសមត្ថភាពរបស់គេ បានទាក់ទាញក្លឹបនៅPremier League មួយចំនួនរួចមកហើយ។ ខ្សែបម្រើប្រយុទ្ធរូបនេះ បានក្លាយជាកីឡាករល្បីប្រចាំ ប្រចាំយុវជន Real Madrid ៨រដូវកាលមកហើយៗរូបនេះនឹងដល់វ័យ១៩ឆ្នាំនៅថ្ងៃពុធនេះ។
២- Manu Hernando (18)
ខ្សែការពារកណ្ដាលរូបនេះហាក់មិនមែនជាយុវជនទេតែគេដូចជាកីឡាករវ័យចាស់មួយរូបដែលធ្វើឲ្យខ្សែប្រយុទ្ធក្លឹបនានាជាច្រើនរូបនេះខកចិត្តមិនស្ទើរទេ។ រូបគេត្រូវបានប្រៀបធៀបទៅនឹង Nacho ទី២ ហើយរូបគេក៏មិនសូវជាខ្ពស់ជាងគេបំផុតគឺត្រឹម១.៨១ម៉ែត្រប៉ុណ្ណោះ។ ជំនាញរបស់គេគឺល្បឿន និងគ្រប់គ្រងតំបន់ខ្លួនឯងបានល្អបន្ទាប់ពីចំណាយពេល២រដូវកាលនៅកម្រិត Juvenil A, យុវជនមានដើមកំណើតមកពីតំបន់ Palencia នឹងដំឡើងមកឈុត Castilla រដូវកាលក្រោយ។
៣- Franchu (19)
មានដើមកំណើតក្នុងតំបន់ Ma de Plata ប្រទេសអាហ្សង់ទីន Franchu គឺជា ខ្សែបម្រើនាំលេងល្អម្នាក់ ដែលពូកែរកគ្រាប់បាល់។ រូបគេប្ដូរទៅលេងនៅអេស្ប៉ាញក្នុងឆ្នាំ២០០៩បន្ទាប់ពី បង្ហាញទម្រង់លេងទាក់ភ្នែកក្រុមការងាររើសកីឡាករយុវជន ពេលកំពុងលេងនៅ Cadetes San Martin ។ ប៉ុន្តែចាកចេញទៅលេងនៅ Rayo ២ឆ្នាំហើយកាលពីរដូវកាលមុនរូបគេត្រឡប់មកវិញ បង្ហាញថ្វីជើងបានល្អមិននឹកស្មានដល់ ហើយទាក់ចិត្តលោក Zidane តែម្ដង។
៤- Dani Gomez (19)
Gomez ជាខ្សែប្រយុទ្ធកណ្ដាលដ៏ឆ្នើមហើយជំនាញទាត់បាល់ពិន័យប៉េណាល់ទីដោយគ្រូបង្វឹកឲ្យពាក់អាវលេខ៩ នឹងឡើងដល់វ័យ១៩ឆ្នាំ ក្នុងដើមខែកក្កដាខាងមុខ។ យុវជនរូបនេះត្រូវបានគេស្គាល់ថាជាខ្សែប្រយុទ្ធប្រកបដោយថាមពល ខ្សែប្រយុទ្ធដ៏លឿនម្នាក់ ដែលអាចបញ្ចប់ទីក្នុងតំបន់គ្រោះថ្នាក់ហើយរូបគេលេងនៅ Real Madrid ៧ឆ្នាំហើយ។
រូបគេគឺជាខ្សែប្រយុទ្ធម្នាក់ត្រូវបានគេចាត់ទុកគ្រាប់ពេជ្ររបស់អេស្ប៉ាញទៅអនាគត តាមពីក្រោយ Mariano, Borja Mayoral និង Raul de Tomas៕
