Manchester United កំណត់កាលបរិច្ឆេទស៊ីញេកុងត្រាយកខ្សែប្រយុទ្ធ Real Madrid កីឡាករ Alvaro Morata ក្នុងតម្លៃ៦០លានផោនឲ្យបានមុនចប់សប្ដាហ៍នេះ។
Jose Mourinho បានចាត់ទុកខ្សែប្រយុទ្ធជម្រើសជាតិអេស្ប៉ាញជាគោលដៅចម្បងបំផុតក្នុងរដូវកាលនេះ បន្ទាប់ពីបោះបង់ការតាមស៊ីញេកុងត្រា Antoine Griezmann របស់ Atletico Madrid ។ អតីតគ្រូបង្វឹកគ្រូបង្វឹក Chelsea ធ្លាប់បាននិយាយថា គាត់មានការអាក់អន់ចិត្តខ្លះៗ ដែលក្លឹបហាក់មិនសូវស្ទុះស្ទា ធ្វើកិច្ចព្រមព្រៀងយកកីឡាករវ័យ២៤ឆ្នាំរូបនេះឲ្យបានឆាប់ ដែលគេដឹងស្រាប់ហើយថា មានភាគរយខ្ពស់ក្នុងទទួលបានយកលេងនៅ Old Trafford។
បែបណាក្ដី! Red Devils បានពន្លឿនដំណើរការចុះកិច្ចព្រមព្រៀងនេះ ឲ្យបានឆាប់រួចរាល់នៅនៅចុងសប្ដាហ៍នេះ ខណៈគេហទំព័រ The Sun បានសន្និដ្ឋានថា ការស៊ីញេកុងត្រានឹងចប់ជោគជ័យនៅថ្ងៃថ្ងៃព្រហស្បតិ៍។ ឪពុករបស់ Morata ដែលគាត់មានតួនាទីជាភ្នាក់ងារកីឡាករផងនោះ បានចូលទៅជួបមន្ត្រីរបស់ Real Madrid កាលពីម្សិលមិញដើម្បីធ្វើយ៉ាងណាទិញឲ្យបានក្នុងថ្ងៃ Theatre of Dreams ។
បែបនេះក្ដី! គេជឿថា Morata បានបើកចិត្តចាកចេញពីBernabeu តាំងតែ២ទៅ៣ខែមុនមកម្ល៉េះហើយគោលបំណងរបស់កីឡាករគឺចង់ធ្វើការជាមួយអតីតគ្រូបង្វឹករបស់ខ្លួន ដែលធ្លាប់ផ្ដល់ឱកាសឲ្យលេងឈុតធំនៅ Real Madrid កាលពីឆ្នាំ២០១៣។ ស្ដេចសសង្ឃឹមថាទទួលបាន៨០លានផោនពីការលក់ខ្សែប្រយុទ្ធរកបាន១៥គ្រាប់កាលពីរដូវកាលមុន ប៉ុន្តែយ៉ាងណាគេដឹង ថាក្លឹបទាំងពីរធ្វើកិច្ចព្រមព្រៀងតាមបែបទីផ្សារសេរីក្នុងការដោះដូរកីឡាករ៕
